ന്യൂഡല്‍ഹി: സിപിഎം പോളിറ്റ് ബ്യൂറോ യോഗം ഇന്ന് ഡല്‍ഹിയിൽ ചേരും. തെരഞ്ഞെടുപ്പ് പരാജയവുമായി ബന്ധപ്പെട്ട് കേന്ദ്ര കമ്മിറ്റിയുടെ നിര്‍ദേശങ്ങൾ യോഗത്തില്‍ ചര്‍ച്ച ചെയ്യും. ബിജെപിക്കെതിരെ പ്രതിപക്ഷസംഖ്യങ്ങളുമായി അണി ചേരുന്നത് സംബന്ധിച്ച ചര്‍ച്ചകളും ഉണ്ടാകും. കൊൽക്കത്തയില്‍ ചേര്‍ന്ന പ്ലീന തീരുമാനങ്ങൾ നടപ്പാക്കിയതിനെ കുറിച്ചുള്ള സംസ്ഥാന ഘടകങ്ങളുടെ റിപ്പോര്‍ട്ടും പോളിറ്റ് ബ്യൂറോ പരിശോധിക്കും. ബംഗാളിലെയും തൃപുരയിലെയും രാഷ്‌ട്രീയ സാഹചര്യങ്ങളും വിലയിരുത്തും. ഇപ്പോഴത്തെ രാഷ്‌ട്രീയ സാഹചര്യങ്ങളും യോഗത്തിൽ അവലോകനം ചെയ്യും.