ന്യൂഡൽഹി:ഡൽഹി മെട്രോ സ്റ്റേഷനിൽ നിയമിച്ച സി.ഐ.എസ്.എഫ് ഉദ്യോഗസ്ഥന് കൊവിഡ് -19 സ്ഥിരീകരിച്ചതായി കേന്ദ്ര വ്യവസായ സുരക്ഷാ സേന (സി.ഐ.എസ്.എഫ്) അധികൃതർ അറിയിച്ചു. റോട്ടേഷൻ അടിസ്ഥാനത്തിൽ ഇയാൾ മെട്രോ സ്റ്റേഷനിൽ ഡ്യൂട്ടി ചെയ്യുകയായിരുന്നു.ഇതോടെ ഡൽഹിയിലെ സി.ഐ.എസ്.എഫിൽ സ്ഥിരീകരിച്ച കൊവിഡ് -19 കേസുകളുടെ എണ്ണം മൂന്നായി. മറ്റ് രണ്ട് ജവാൻമാർ ഡൽഹി വിമാനത്താവളത്തിൽ ഡ്യൂട്ടിയിൽ ഉണ്ടായിരുന്നവരാണ്.
കൊവിഡ് മഹാമാരിക്കെതിരെ പൊരുതാൻ മാർച്ചിൽ രാജ്യവ്യാപകമായി ലോക്ക് ഡൗൺ നിലവിൽ വന്നതിനെത്തുടർന്ന് ഡൽഹി മെട്രോ റെയിൽ കോർപ്പറേഷൻ സേവനങ്ങൾ താൽക്കാലികമായി നിർത്തി വെച്ചിരുന്നു.