ഹൈദരാബാദ്: കൊവിഡ്-19ന്‍റെ പശ്ചാത്തലത്തില്‍ ലോക് ഡൗണ്‍ നീട്ടിയതോടെ വിദേശമദ്യം വീട്ടില്‍ എത്തിച്ച് നല്‍കാമെന്ന് വാഗ്ദാനം നല്‍കി തട്ടിപ്പ് നടത്തുന്ന സംഘം സജീവമാകുന്നു. തെലങ്കാനയിലെ വിദേശ മദ്യശാലകള്‍ കേന്ദ്രീകരിച്ചാണ് സൈബര്‍ കുറ്റകൃത്യം നടക്കുന്നത്.
ഗൂഗിളില്‍ മദ്യശാലകളുടെ കോണ്ടാക്ട് ലിസ്റ്റില്‍ സൈബര്‍ വിദഗ്ധരായ സംഘം തങ്ങളുടെ മൊബൈല്‍ നമ്പര്‍ ചേര്‍ക്കും. തുടര്‍ന്ന് ബന്ധപ്പെടുന്നവരോട് മദ്യം എത്തിച്ച് നല്‍കാമെന്ന് വാഗ്ദാനം നല്‍കി ഓണ്‍ലൈന്‍ വഴി പണം ഈടാക്കും. ശേഷം ഇവര്‍ ഫോണ്‍ കോള്‍ സ്വീകരിക്കില്ല.