ലൈംഗിക പീഡന റാക്കറ്റ് പ്രതികൾക്ക് ചാർജ്‌ഷീറ്റ് പകർപ്പുകൾ നൽകി

അന്വേഷണ ഏജൻസിയായ സിബിഐ കഴിഞ്ഞ വർഷം മെയ് 24നാണ് കുറ്റപത്രം സമർപ്പിച്ചത്

ചെന്നൈ: പൊള്ളാച്ചി സീരിയൽ ലൈംഗിക പീഡനം, ബ്ലാക്ക് മെയിലിങ് കേസിൽ കുറ്റം ചുമത്തി എട്ട് മാസത്തിന് ശേഷം അഞ്ച് പ്രതികൾക്കും കുറ്റപത്രത്തിന്‍റെ പകർപ്പുകൾ ചീഫ് ജുഡീഷ്യൽ മജിസ്‌ട്രേറ്റ് (സിജെഎം) കോടതിയിൽ കൈമാറി. അന്വേഷണ ഏജൻസിയായ സിബിഐ കഴിഞ്ഞ വർഷം മെയ് 24നാണ് കുറ്റപത്രം സമർപ്പിച്ചത്. സിജെഎം കോടതിയിൽ ഹാജരാക്കിയ തിരുനാവുക്കരസു, സതീഷ്, ശബരീരാജൻ, വസന്ത്കുമാർ, മണിവന്നൻ എന്നീ അഞ്ച് പ്രതികൾക്കും 1000 പേജുകളിലായി കുറ്റപത്രത്തിന്‍റെ പകർപ്പുകൾ ചീഫ് ജുഡീഷ്യൽ മജിസ്‌ട്രേറ്റ് (സിജെഎം) കോടതിയിൽ കൈമാറി. പ്രതികളുടെ ജുഡീഷ്യൽ കസ്റ്റഡി ഫെബ്രുവരി 11 വരെ നീട്ടി. കുറ്റപത്രത്തിന്‍റെ പകർപ്പുകൾ പ്രതികളുമായി പങ്കിടാൻ വൈകിയത് ഗുണ്ടാ ആക്‌ട് പ്രകാരം പ്രതികളെ തടങ്കലിൽ വയ്ക്കുന്നത് ഉൾപ്പെടെയുള്ള വിവിധ കാരണങ്ങളാലാണ്. കോയമ്പത്തൂർ സെൻട്രൽ ജയിലിൽ നിന്ന് പ്രതികളെ സേലം സെൻട്രൽ ജയിലിലേക്ക് മാറ്റി. വീഡിയോ കോൺഫറൻസിങ്ങിലൂടെ മാത്രമാണ് പ്രതികളെ കോടതിയിൽ ഹാജരാക്കുന്നത്.