നിയന്ത്രണം വിട്ട കാര്‍ മേല്‍പ്പാലത്തില്‍ നിന്നും താഴേക്ക് വീണു; ഒരാള്‍ മരിച്ചു

അപകടത്തില്‍ വഴിയാത്രക്കാരിയായ സ്ത്രീ കൊല്ലപ്പെട്ടു. നിരവധി പേര്‍ക്ക് പരിക്കേറ്റു

ഹൈദരാബാദ്: തെലങ്കാനയിലെ ഗച്ചി ബോളിയില്‍ പുതുതായി നിര്‍മിച്ച മേല്‍പ്പാലത്തില്‍ നിന്നും കാര്‍ നിയന്ത്രണം വിട്ട് താഴേക്ക് മറിഞ്ഞു. അപകടത്തില്‍ ഒരു സ്‌ത്രീ കൊല്ലപ്പെട്ടു. നിരവധി പേര്‍ക്ക് പരിക്കേറ്റു. ഉച്ചക്ക് ഒരു മണിയോടെയാണ് അപകടം.

താഴെ നിര്‍ത്തിയിട്ടിരുന്ന രണ്ട് കാറുകള്‍ക്ക് മുകളിലേക്കാണ് അപകടത്തില്‍പ്പെട്ട കാര്‍ മറിഞ്ഞു വീണത്. നഗരത്തിലെ ഏറ്റവും തിരക്കേറിയ മേഖലയിലാണ് അപകടമുണ്ടായത്. അപകടശേഷം പാലത്തിന്‍റെ നിര്‍മാണത്തിലെ അപാകതകള്‍ ചൂണ്ടിക്കാട്ടി നിരവധി പേര്‍ സാമൂഹ്യമാധ്യമങ്ങളില്‍ പ്രതിഷേധവുമായി രംഗത്തെത്തി.