സ്വത്ത് തർക്കം; നാഗ്‌പൂരില്‍ വ്യവസായി കൊല്ലപ്പെട്ടു

ഹരിഭവ് സവര്‍ക്കര്‍ എന്ന വ്യവസായിയെ ബണ്ടി ഷെയ്‌ഖ് എന്നയാൾ കുത്തിക്കൊലപ്പെടുത്തുകയായിരുന്നു.

മുംബൈ: നാഗ്‌പൂരിൽ സ്വത്തവകാശം സംബന്ധിച്ച തർക്കത്തിനിടെ വ്യവസായി കൊല്ലപ്പെട്ടു. ഹരിഭവ് സവര്‍ക്കര്‍ എന്നയാളാണ് കൊല്ലപ്പെട്ടത്. ഇയാൾ ബണ്ടി ഷെയ്ഖ് എന്നയാളിന് ഭൂമി വിറ്റിരുന്നു. ഇവിടെ ബണ്ടി ഷെയ്‌ഖ് നിയമവിരുദ്ധമായി കെട്ടിടം നിർമിച്ചതിനെ തുടര്‍ന്ന് കോര്‍പറേഷൻ അധികൃതര്‍ കെട്ടിടം പൊളിച്ചു നീക്കി. ഇതിന് പിന്നില്‍ ഹരിഭവ് സവര്‍ക്കറാണെന്ന് ആരോപിച്ചാണ് ഇയാളെ പ്രതി കുത്തി കൊലപ്പെടുത്തിയത്. പ്രതിക്കായി പൊലീസ് അന്വേഷണം തുടരുന്നു.