പ്രധാനമന്ത്രിയുടെ സന്ദേശത്തിന് പിന്തുണയുമായി ബോളിവുഡ്

നടിയും ബിജെപി നിയമസഭാംഗവുമായ ഹേമമാലിനിയാണ് മോദിയുടെ വീഡിയോ സന്ദേശത്തിന് ആദ്യം പിന്തുണയറിയിച്ചത്

മുംബൈ: കൊവിഡ് പ്രതിസന്ധിയിൽ രാജ്യം ഒന്നിച്ചാണെന്നറിയിച്ച് ഞായറാഴ്ച രാത്രി വിളക്ക് തെളിയിക്കാനുള്ള പ്രധാനമന്ത്രി നരേന്ദ്ര മോദിയുടെ സന്ദേശത്തിന് പിന്തുണയറിയിച്ച് ബോളിവുഡ്.

രാജ്യത്ത് പോസിറ്റിവിറ്റി വളർത്തുകയെന്ന ലക്ഷ്യത്തോടെയുള്ള പ്രധാനമന്ത്രിയുടെ സന്ദേശത്തിന് ഐക്യദാർഡ്യം പ്രഖ്യാപിച്ച് നിരവധി ബോളിവുഡ് താരങ്ങൾ ട്വിറ്റ് ചെയ്തു. നടിയും ബിജെപി നിയമസഭാംഗവുമായ ഹേമമാലിനിയാണ് മോദിയുടെ വീഡിയോ സന്ദേശത്തിന് ആദ്യം പിന്തുണയറിയിച്ചത്.

മാരകമായ കൊവിഡിനെതിരായ യുദ്ധത്തിൽ നമ്മുടെ പ്രധാനമന്ത്രിക്കൊപ്പം നിൽക്കാമെന്ന് നമുക്ക് സത്യം ചെയ്യാം എന്നായിരുന്നു ബോളിവുഡിലെ ഡ്രീം ഗേൾ ട്വീറ്റ് ചെയ്തത്. നടൻ അർജുൻ കപൂറും ട്വിറ്ററിലൂടെ തന്‍റെ പിന്തുണയറിയിച്ചിട്ടുണ്ട്.