ബിജെപി വൃത്തികെട്ട രാഷ്ട്രീയം കളിക്കുന്നുവെന്ന് സീതാറാം യെച്ചൂരി

ഹിന്ദുത്വ വോട്ട് ബാങ്ക് ഏകീകരണം ലക്ഷ്യമിട്ട് ബിജെപി മനപൂർവ്വം സാമുദായിക ധ്രുവീകരണത്തിലും വൃത്തികെട്ട വോട്ട് ബാങ്ക് രാഷ്ട്രീയത്തിലും ഏർപ്പെടുന്നുണ്ടെന്ന് സീതാറാം യെച്ചൂരി.

ഗുവാഹത്തി: ഹിന്ദുത്വ വോട്ട് ബാങ്ക് ഏകീകരിക്കാനുള്ള ഉദ്ദേശത്തോടെ ബിജെപി വൃത്തികെട്ട രാഷ്‌ട്രീയം കളിക്കുകയാണെന്ന് സിപിഎം ജനറൽ സെക്രട്ടറി സീതാറാം യെച്ചൂരി. ഹിന്ദുക്കൾക്ക് ഇടയിലും മുസ്ലീങ്ങൾക്കിടയിലും വിള്ളൽ സൃഷ്‌ടിക്കുന്നതിനായാണ് പൗരത്വ ഭേദഗതി നിയമം, ദേശീയ ജനസംഖ്യാ രജിസ്റ്റർ, എൻ‌ആർ‌സി തുടങ്ങിയവ ബിജെപി നടപ്പിലാക്കാൻ ശ്രമിക്കുന്നത്. ഹിന്ദുത്വ വോട്ട് ബാങ്ക് ഏകീകരണം ലക്ഷ്യമിട്ട് ബിജെപി മനപൂർവ്വം സാമുദായിക ധ്രുവീകരണത്തിലും വൃത്തികെട്ട വോട്ട് ബാങ്ക് രാഷ്ട്രീയത്തിലും ഏർപ്പെടുന്നുണ്ടെന്നും യെച്ചൂരി കൂട്ടിച്ചേർത്തു. പൗരത്വ നിയമത്തിൽ പ്രതിഷേധിച്ച് സിപിഎം സംഘടിപ്പിച്ച റാലിയെ അഭിസംബോധന ചെയ്യുകയായിരുന്നു അദ്ദേഹം. രാജ്യത്തിന്‍റെ ഭാവിയെ സംബന്ധിച്ചിടത്തോളം പൗരത്വ ഭേദഗതി നിയമം അപകടകരമാണെന്നും അദ്ദേഹം കൂട്ടിച്ചേർത്തു.