ന്യൂഡൽഹി: ഗൽവാനിലെ സംഘർഷത്തിൽ ചൈനക്ക് ശക്തമായ മറുപടി നൽകിയെന്ന് പ്രധാനമന്ത്രി നരേന്ദ്ര മോദി. ഇന്ത്യയുടെ ശക്തിക്കും സമാധാനത്തോടുള്ള പ്രതിബദ്ധതക്കും ലോകം സാക്ഷിയാണെന്നും സൗഹൃദം കാത്ത് സൂക്ഷിക്കാൻ അറിയുന്ന ഇന്ത്യക്ക് ശക്തമായ തിരിച്ചടി നൽകാൻ അറിയാമെന്നും അദ്ദേഹം പറഞ്ഞു. മൻ കി ബാത്ത് പരിപാടിയുടെ 66-ാം പതിപ്പില്‍ സംസാരിക്കുകയായിരുന്നു അദ്ദേഹം. സൈനികരുടെ ജീവത്യാഗത്തെ ഓർമിച്ച പ്രധാനമന്ത്രി രാജ്യത്തിനാകെ ഇത് പ്രചോദനമാണെന്നും കൂട്ടിച്ചേർത്തു.