ന്യൂ ഡല്‍ഹി: അയോധ്യ വിധിക്ക് മുന്നോടിയായി ഉത്തര്‍ പ്രദേശിലും, രാജ്യത്തിന്‍റെ മറ്റ് ഭാഗങ്ങളിലും ഏര്‍പ്പെടുത്തിയിരിക്കുന്ന സുരക്ഷ വിലയിരുത്തി സുപ്രീം കോടതി ചീഫ് ജസ്‌റ്റിസ് രഞ്ജന്‍ ഗൊഗോയ്. ഉത്തര്‍പ്രദേശിലെ സാഹചര്യം പരിശോധിക്കുന്നതിന്‍റെ ഭാഗമായി സംസ്ഥാന ചീഫ് സെക്രട്ടറിയുമായും, പൊലീസ് മേധാവിയുമായും ചീഫ് ജസ്‌റ്റിസ് കൂടിക്കാഴ്‌ച നടത്തി.
ഈ മാസം 17 ന് മുമ്പ് രാമഭൂമി - ബാബറി മസ്‌ജിദ് കേസില്‍ അന്തിമ വിധിയുണ്ടാകുമെന്ന് കേസ് പരിഗണിക്കുന്ന ബെഞ്ചിന്‍റെ അധ്യക്ഷനായ ചീഫ് ജസ്‌റ്റിസ് അറിയിച്ചിരുന്നു. ഇതിന്‍റെ പശ്‌ചാത്തലത്തില്‍ വേണ്ട മുന്‍കരുതലുകള്‍ എടുക്കണമെന്ന് കേന്ദ്ര സര്‍ക്കാരിനോടും, ഉത്തര്‍പ്രദേശ് സര്‍ക്കാരിനോട് സുപ്രീം കോടതി ആവശ്യപ്പെട്ടിരുന്നു.