ദിസ്‌പൂർ: കൊവിഡ് പരിശോധനയില്‍ അസം കേരളത്തെ മറികടന്നെന്ന് അസം ആരോഗ്യ മന്ത്രി ഹിമന്ത ബിസ്വ ശർമ. കൊവിഡ് രോഗികളെ കണ്ടെത്തുന്നതിന് ഒരാഴ്‌ചക്കുള്ളില്‍ പ്രതിദിനം 10,000 പേരുടെ ശ്രവം പരിശോധിക്കുമെന്നും ജൂൺ 15ന് അകം രണ്ട് ലക്ഷം പേരെ പരിശോധിച്ച് ഇന്ത്യയില്‍ റെക്കോഡ് സൃഷ്‌ടിക്കുമെന്നും അദ്ദേഹം പറഞ്ഞു.
70,000 സാമ്പിളുകൾ പരിശോധിച്ച കേരളത്തെ അസം മറികടന്നെന്നും കേരളത്തിന്‍റെ ആരോഗ്യ സംവിധാനങ്ങൾക്ക് 60 വർഷത്തെ പഴക്കവും അസമിന് മൂന്നോ നാലോ വർഷത്തെ പഴക്കവുമാണുള്ളത് എന്നും ഹിമന്ത് ബിസ്വ ശർമ പറഞ്ഞു. ഏഴ് ലാബുകളിലായി കഴിഞ്ഞ 90 ദിവസങ്ങൾക്കുള്ളില്‍ 1,00,483 പേരുടെ സാമ്പിളുകളാണ് അസമില്‍ പരിശോധിച്ചത് എന്നും അദ്ദേഹം വ്യക്തമാക്കി.