ലക്നൗ: രാജ്യത്ത് കൊവിഡ് പ്രതിരോധന പ്രവര്ത്തനങ്ങള്ക്കായി പ്രധാനമന്ത്രി നരേന്ദ്ര മോദി പ്രഖ്യാപിച്ച 20 ലക്ഷം കോടിയുടെ സാമ്പത്തിക പാക്കേജിനെ പരിഹസിച്ച് സമാജ്വാദി പാര്ട്ടി നേതാവ് അഖിലേഷ് യാദവ്. മോദിയുടേത് പൊള്ളയായ വാഗ്ദാനമാണെന്നും ജനങ്ങള്ക്ക് മതിപ്പില്ലെന്നും അദ്ദേഹം ട്വിറ്ററില് കുറിച്ചു.
ആദ്യം 15 ലക്ഷത്തിന്റെ പൊള്ളയായ വാഗ്ദാനമായിരുന്നു ഇപ്പോഴത് 20 ലക്ഷം കോടിയുടേതായി. ഇപ്പോള് 133 കോടി ജനങ്ങള്ക്ക് 133 തവണ വലിപ്പമുള്ള വാഗ്ദാനം. ആര്ക്കാണിത് വിശ്വസിക്കാന് കഴിയുകയെന്നും അദ്ദേഹം ട്വീറ്റ് ചെയ്തു. 20 ലക്ഷം കോടിയില് എത്ര പൂജ്യമുണ്ടെന്ന് ഇപ്പോള് ജനങ്ങള് ചോദിക്കാറില്ലെന്നും അദ്ദേഹം പരിഹസിച്ചു.