ന്യൂഡല്‍ഹി: കൊവിഡ് പ്രതിരോധ കുത്തിവെപ്പുകള്‍ സ്വീകരിച്ച ശേഷം നടത്തിയ സർവേയിൽ പങ്കെടുത്ത 7.75 ലക്ഷം പേരില്‍ 97 ശതമാനം പേരും രോഗപ്രതിരോധ പ്രക്രിയയിൽ സംതൃപ്തി പ്രകടിപ്പിച്ചതായി കേന്ദ്ര ആരോഗ്യ മന്ത്രാലയം അറിയിച്ചു. ജനുവരി 17 മുതൽ കുത്തിവെപ്പ് നൽകിയവരിൽ നിന്ന് സർക്കാർ മൊബൈൽ അപ്ലിക്കേഷനായ കൊവിൻ വഴി പ്രതികരണം സ്വീകരിച്ചതായും ഇതില്‍ 7.75 ലക്ഷം ആളുകളിൽ നിന്ന് പ്രതികരണങ്ങൾ ലഭിച്ചതായും ആരോഗ്യ സെക്രട്ടറി രാജേഷ് ഭൂഷൺ വാർത്താസമ്മേളനത്തില്‍ പറഞ്ഞു.
കൊവിഡ് വാക്സിനേഷന്‍; 97 ശതമാനം പേരും സംതൃപ്തരെന്ന് ആരോഗ്യമന്ത്രാലയം
കൊവിഡ് വാക്സിനേഷന്‍ സ്വീകരിച്ചവരില്‍ 97 ശതമാനം പേരും സംതൃപ്തരെന്ന് ആരോഗ്യ സെക്രട്ടറി രാജേഷ് ഭൂഷൺ. മൊബൈല്‍ അപ്ലിക്കേഷനായ കൊവിന്‍ വഴി ജനങ്ങള്‍ രേഖപ്പെടുത്തിയ പ്രതികരണങ്ങളുടെ അടിസ്ഥാനത്തിലാണ് ഇത്.
കൊവിഡ് വാക്സിനേഷന്‍; 97 ശതമാനം പേരും സംതൃപ്തരെന്ന് ആരോഗ്യമന്ത്രാലയം
കൊവിഡ് -19 നെതിരെ രാജ്യവ്യാപകമായി കുത്തിവെപ്പ് നടത്തിയത് ജനുവരി 16 നാണ്. മൂന്ന് കോടിയിലധികം ആരോഗ്യ സംരക്ഷണവും മുൻ‌നിര തൊഴിലാളികളും കുത്തിവെപ്പ് സ്വീകരിച്ചു. തുടര്‍ന്ന് ജനുവരി 17 മുതലാണ് കൊവിന്‍ വഴി ജനങ്ങളുടെ പ്രതികരണം എടുക്കാന്‍ തുടങ്ങിയത്. ഇതില്‍ 97 ശതമാനം ആളുകളും മൊത്തത്തിലുള്ള വാക്സിനേഷൻ അനുഭവത്തിൽ സംതൃപ്തരാണ്. 7.75 ലക്ഷം ആളുകളിൽ നിന്നുള്ള പ്രതികരണത്തിന്‍റെ അടിസ്ഥാനത്തിലാണ് ഈ വിവരങ്ങൾ. കൊവിഡ് -19 വാക്സിൻ നൽകി അടുത്ത ദിവസം വ്യക്തിഗത സന്ദേശത്തിൽ ഗുണഭോക്താക്കളോട് നാല് ചോദ്യങ്ങളാണ് ചോദിച്ചതെന്നും രാജേഷ് ഭൂഷൺ പറഞ്ഞു.