കൊവിഡ്‌ 19; ശ്രീനഗറില്‍ ഏഴ്‌ പൊലീസുകാരെ നിരീക്ഷണ കേന്ദ്രത്തിലേക്ക് മാറ്റി
കഴിഞ്ഞയാഴ്‌ച റെയ്‌നവാരിയില്‍ നിന്ന്‌ അറസ്റ്റിലായ പ്രതിക്ക് കൊവിഡ്‌ 19 സ്ഥിരീകരിച്ചതിന് പിന്നാലെയാണ് നടപടി
കൊവിഡ്‌ 19; ശ്രീനഗറില്‍ ഏഴ്‌ പൊലീസുകാരെ നിരീക്ഷണ കേന്ദ്രത്തിലേക്ക് മാറ്റി
ശ്രീനഗര്‍: ജമ്മുകശ്‌മീരിലെ നൗഹത്ത പൊലീസ് സ്റ്റേഷനിലെ ഏഴ്‌ പൊലീസുകാരെ നിരീക്ഷണ കേന്ദ്രത്തിലേക്ക് മാറ്റി. കഴിഞ്ഞയാഴ്‌ച റെയ്‌നവാരിയില്‍ നിന്ന്‌ അറസ്റ്റിലായ പ്രതിക്ക് കൊവിഡ്‌ 19 സ്ഥിരീകരിച്ചതിന് പിന്നാലെയാണ് നടപടി. ഇയാള്‍ക്ക് രോഗലക്ഷണം കാണിച്ചതിനെ തുടര്‍ന്ന് നടത്തിയ പരിശോധനയിലാണ് കൊവിഡ്‌ പോസിറ്റീവാണെന്ന് കണ്ടെത്തിയത്. ഇയാളുമായി നേരിട്ട് ബന്ധപ്പെട്ട ഏഴ്‌ പൊലീസുകാരെയാണ് നിരീക്ഷണ കേന്ദ്രത്തിലേക്ക് മാറ്റിയത്. ഇവരുടെ സാമ്പിളുകളും പരിശോധനക്കയച്ചതായി പൊലീസ് അറിയിച്ചു.