അമരാവതി: സംസ്ഥാനത്തെ ഗുണ്ടൂർ ജില്ലയിൽ 47കാരിയായ സ്‌ത്രീ ഇരട്ടക്കുട്ടികൾക്ക് ജന്മം നൽകി. തെന്നാലിയിലെ ചിനരാവൂർ സ്വദേശിയായ ജയശ്രീയാണ് 47-ാം വയസിൽ ഇരട്ടക്കുട്ടികൾക്ക് ജന്മം നൽകിയത്. പെൺകുഞ്ഞിന് 2.9 കിലോയും ആൺകുഞ്ഞിന് 2.5 കിലോ തൂക്കവുമാണുള്ളത്.
കൃത്രിമ ബീജസങ്കലനത്തിലൂടെയാണ് ജയശ്രീ ഗർഭിണിയായത്. വിവാഹം കഴിഞ്ഞിട്ട് 20 വർഷമായിട്ടും കുട്ടികൾ ഇല്ലാതിരുന്നതിനെ തുടർന്നാണ് ജയശ്രീ കൃത്രിമമായി ഗർഭം ധരിക്കാൻ തീരുമാനിച്ചത്.