കനത്ത മൂടല്‍ മഞ്ഞ്; 18 ട്രെയിനുകള്‍ വൈകി ഓടുന്നു - ന്യൂഡല്‍ഹി
മാല്‍ഡ-ന്യൂഡല്‍ഹി ഫറാക്ക എക്സ്പ്രസ്, പൂരി-ന്യൂഡല്‍ഹി പുരുഷോത്തം എക്സ്പ്രസ്, ഗയ-ന്യൂഡല്‍ഹി മഹബോദി എക്സ്പ്രസ്, ഹൗരാ-ന്യൂഡല്‍ഹി പൂര്‍വ്വ എക്സ്പ്രസ്, വസ്‌ക്കോ-നിസാമുദ്ദീന്‍ ഗോവ എക്സ്പ്രസ് തുടങ്ങിയ ട്രെയിനുകളാണ് വൈകിയോടുന്നത്.
കനത്ത മൂടല്‍ മഞ്ഞ്
ന്യൂഡല്‍ഹി: കനത്ത മൂടല്‍ മഞ്ഞിനെ തുടര്‍ന്ന് പതിനെട്ട് ട്രെയിനുകള്‍ വൈകിയോടുന്നതായി ഉത്തര റെയിവേ അറിയിച്ചു. മാല്‍ഡ- ന്യൂഡല്‍ഹി ഫറാക്ക എക്സ്പ്രസ്, പൂരി-ന്യൂഡല്‍ഹി പുരുഷോത്തം എക്സ്പ്രസ്, ഗയ-ന്യൂഡല്‍ഹി മഹബോദി എക്സ്പ്രസ്, ഹൗരാ-ന്യൂഡല്‍ഹി പൂര്‍വ്വ എക്സ്പ്രസ്, വസ്‌ക്കോ-നിസാമുദ്ദീന്‍ ഗോവ എക്സ്പ്രസ് തുടങ്ങിയ ട്രെയിനുകളാണ് വൈകിയോടുന്നത്. ഹിമാചല്‍ പ്രദേശ്, ഉത്തര്‍പ്രദേശ്, പശ്ചിമ രാജസ്ഥാന്‍, ഒഡിഷ, ത്രിപുര എന്നിവിടങ്ങളില്‍ കനത്ത മൂടല്‍ മഞ്ഞ് അനുഭപ്പെടുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.