ദിലീപിന്‍റെ (Dileep) ഏറ്റവും പുതിയ ചിത്രമാണ് 'ബാന്ദ്ര' (Bandra). അരുണ്‍ ഗോപി (Dileep) സംവിധാനം ചെയ്യുന്ന സിനിമയില്‍ തെന്നിന്ത്യന്‍ താരസുന്ദരി തമന്നയാണ് നായികയായി എത്തുന്നത്. 'ബാന്ദ്ര'യുടെ പുതിയ പോസ്‌റ്റര്‍ പുറത്തിറങ്ങി (Bandra New Poster).
ദിലീപ് തന്‍റെ ഫേസ്‌ബുക്ക് പേജിലൂടെയാണ് 'ബാന്ദ്ര'യുടെ പോസ്‌റ്റര്‍ പങ്കുവച്ചിരിക്കുന്നത്. ചിത്രത്തിലെ ഗാനരംഗത്തില്‍ നിന്നുള്ളതാണ് പുതിയ പോസ്‌റ്റര്‍ എന്നാണ് തമന്നയുടെയും ദിലീപിന്‍റെയും കോസ്റ്റ്യൂം നല്‍കുന്ന സൂചന. നവംബറിലാണ് 'ബാന്ദ്ര' റിലീസ് ചെയ്യുന്നത് (Bandra Release on this November).
ആക്ഷന്‍ രംഗങ്ങള്‍ക്ക് ഏറെ പ്രാധാന്യം നല്‍കി ഒരുക്കിയിരിക്കുന്ന ഒരു സസ്‌പന്‍സ്‌ ത്രില്ലര്‍ ആണ് 'ബാന്ദ്ര'. 2017ല്‍ പുറത്തിറങ്ങിയ പൊളിറ്റിക്കല്‍ ത്രില്ലര്‍ 'രാമലീല'യ്‌ക്ക് ശേഷം ദിലീപും അരുണ്‍ ഗോപിയും ഒന്നിച്ചെത്തുന്ന ചിത്രം കൂടിയാണിത്. അഞ്ച് വര്‍ഷങ്ങള്‍ക്ക് ശേഷമാണ് ഈ കൂട്ടുകെട്ട് വീണ്ടും മലയാളികള്‍ക്ക് മുമ്പില്‍ എത്താനൊരുങ്ങുന്നത്.
Also Read:Dileep Tamanna Bhatia movie Bandra അലന്‍ അലക്സാണ്ടര് ഡൊമിനിക് വരുന്നു; ദിലീപ് തമന്ന ചിത്രം ബാന്ദ്ര നവംബറില്‍ എത്തും
സിനിമയില്‍ അലന്‍ അലക്സാണ്ടര് ഡൊമിനിക് എന്ന കഥാപാത്രത്തെയാണ് ദിലീപ് അവതരിപ്പിക്കുന്നത് (Dileep as Alan Alexander Dominic). ഒരു ഗ്യാങ്‌സ്‌റ്റര്‍ ലുക്കിലാണ് ചിത്രത്തില്‍ ദിലീപ് പ്രത്യക്ഷപ്പെടുന്നത്. 'ബാന്ദ്ര'യില്‍ നിന്നുള്ള ദിലീപിന്‍റെ ലുക്കുകള്‍ ഇതിനോടകം തന്നെ സോഷ്യല്‍ മീഡിയയില്‍ ശ്രദ്ധ നേടിയിരുന്നു.
ദിലീപിന്‍റെ കരിയറിലെ 147-ാത് ചിത്രം കൂടിയാണ് 'ബാന്ദ്ര'. ജനപ്രിയ നായകന്‍റെ പാന്‍ ഇന്ത്യന്‍ റിലീസ് കൂടിയാണ് ചിത്രം. അതേസമയം തമന്നയുടെ ആദ്യ മലയാള ചിത്രം കൂടിയാണ് ദിലീപ് നായകനായി എത്തുന്ന 'ബാന്ദ്ര'. തമന്ന ഇതാദ്യമായി മലയാളത്തിലേയ്‌ക്ക് എത്തുന്നു എന്നതും സിനിമയിലുള്ള പ്രേക്ഷകരുടെ പ്രതീക്ഷകള്‍ ഉയര്‍ത്തുന്നു. നേരത്തെ 'ബാന്ദ്ര'യുടെ ടീസര്‍ പുറത്തിറങ്ങിയത് മുതല്‍ ചിത്രം കാണാനുള്ള കാത്തിരിപ്പിലാണ് ആരാധകര്‍.
Also Read:Bandra Movie| കിടു ലുക്കില്‍ അലന്‍ അലക്സാണ്ടര് ഡൊമിനിക്; ബാന്ദ്രയിലെ ദിലീപിന്‍റെ പുതിയ ലുക്ക് വൈറല്‍
ദിലീപിനും തമന്നയ്‌ക്കും പുറമെ ബോളിവുഡ് താരം ദിനോ മോറിയ, തെന്നിന്ത്യന്‍ താരം ശരത് കുമാര്‍ എന്നിവരും സുപ്രധാന വേഷത്തില്‍ എത്തുന്നുണ്ട്. കൂടാതെ ഗണേഷ് കുമാർ, സിദ്ദിഖ്, കലാഭവൻ ഷാജോണ്‍ തുടങ്ങിയവരും ചിത്രത്തില്‍ അണിനിരക്കുന്നുണ്ട്. ഹൈദരാബാദ്‌, അഹമ്മദാബാദ്, ജയ്‌പൂർ, രാജ്കോട്ട്, മുംബൈ, സിദ്ധാപൂർ, ഘോണ്ടൽ എന്നിവിടങ്ങളിലായാണ് സിനിമയുടെ ചിത്രീകരണം പൂര്‍ത്തിയാക്കിയത്.
അജിത് വിനായക ഫിലിംസിന്‍റെ ബാനറിൽ വിനായക അജിത് ആണ് ചിത്രത്തിന്‍റെ നിര്‍മാണം നിര്‍വഹിച്ചിരിക്കുന്നത്. ഉദയകൃഷ്‌ണ ആണ് സിനിമയുടെ തിരക്കഥ ഒരുക്കിയിരിക്കുന്നത്. ഷാജി കുമാര്‍ ഛായാഗ്രഹണവും വിവേക് ഹര്‍ഷന്‍ എഡിറ്റിങ്ങും നിര്‍വഹിച്ചിരിക്കുന്നു. സാം സിഎസ് ആണ് സംഗീതം.
ആക്ഷൻ കൊറിയോഗ്രാഫർമാർ - അൻബറിവ്, മാഫിയ ശശി, ഫിനിക്‌സ്‌ പ്രഭുർ, ഡാൻസ് കൊറിയോഗ്രാഫേഴ്‌സ്‌ - ദിനേശ് മാസ്‌റ്റർ, പ്രസന്ന മാസ്‌റ്റർ, വസ്‌ത്രാലങ്കാരം - പ്രവീണ്‍ വര്‍മ്മ, കലാസംവിധാനം - സുബാഷ് കരുണ്‍, സൗണ്ട് ഡിസൈന്‍ - രംഗനാഥ് രവി, പ്രൊഡക്ഷന്‍ ഡിസൈനര്‍ - ദീപക് പരമേശ്വരൻ, പിആർഒ - ശബരി എന്നിവരാണ് ചിത്രത്തിലെ മറ്റ് അണിയറപ്രവര്‍ത്തകര്‍.
Also Read:അലന്‍ അലക്സാണ്ടര് ഡൊമിനിക് വരുന്നു, തമന്നയുടെ അരങ്ങേറ്റം ദിലീപിന്‍റെ നായികയായി ; ബാന്ദ്ര ടീസര്‍ പുറത്ത്
