മഹാകലേശ്വര്‍ ക്ഷേത്രം സന്ദര്‍ശിച്ച് അക്ഷര്‍ പട്ടേലും ഭാര്യ മേഹ പട്ടേലും
ഭോപ്പാല്‍: മധ്യപ്രദേശിലെ മഹാകലേശ്വര്‍ ക്ഷേത്രം ഭാര്യയോടൊപ്പം സന്ദര്‍ശിച്ച് ഇന്ത്യന്‍ ക്രിക്കറ്റര്‍ അക്ഷര്‍ പട്ടേല്‍. ഇന്ന് പുലര്‍ച്ചെയാണ് ഇരുവരും ക്ഷേത്രത്തിലെ ചടങ്ങുകളില്‍ പങ്കെടുക്കാനെത്തിയത്. പുലര്‍ച്ച മൂന്ന് മണിക്ക് നടന്ന ബസ്‌മ ആരതി ചടങ്ങില്‍ പങ്കെടുത്ത ശേഷം ഇരുവരും ബാബ മഹാകല്‍ സന്ദര്‍ശിച്ച് അനുഗ്രഹം തേടി.
ബസ്‌മ ആരതി പൂജയ്‌ക്ക് ശേഷം, അക്ഷര്‍ പട്ടേലിന്‍റെ ഭാര്യ മേഹ, ശിവലിംഗത്തില്‍ ജലാഭിഷേകം നടത്തി. ക്ഷേത്രത്തിലെ എല്ലാ ആചാരങ്ങളും അനുഷ്‌ഠിച്ചതിന് ശേഷമാണ് ഇരുവരുടെയും മടക്കം. ജലാഭിഷേക ചടങ്ങുകള്‍ക്കായി ക്ഷേത്രത്തിലെ പൂജാരിയായ ഗുരു ബാബ്ലൂ ഇരുവര്‍ക്കും നിര്‍ദേശം നല്‍കി.