ഗുവഹത്തി: അസമിലെ സോനിത്പൂരില്‍ വീണ്ടും ഭൂചലനം. വടക്ക് കിഴക്കൻ സംസ്ഥാനങ്ങളില്‍ കഴിഞ്ഞ 24 മണിക്കൂറിനിടെയുണ്ടായ അഞ്ചാമത്തെ ഭൂചലനമാണ് അസമില്‍ റിപ്പോര്‍ട്ട് ചെയ്തത്. റിക്ടര്‍ സ്കെയിലില്‍ 4.2 തീവ്രത രേഖപ്പെടുത്തിയതായി നാഷണൽ സെന്‍റർ ഫോർ സീസ്‌മോളജി അറിയിച്ചു.
ശനിയാഴ്ച പുലര്‍ച്ചെ 1 മണിയോടെയാണ് ഭൂചലനം ഉണ്ടായത്. ആളപായമില്ല. തേസ്പൂരില്‍ 30 കിലോ മീറ്റര്‍ അകലെയാണ് ഭൂചലനത്തിന്‍റെ പ്രഭവകേന്ദ്രമെന്ന് അധികൃതര്‍ അറിയിച്ചു.