ചെന്നൈ:പുതിയ ചരക്ക് വാഹനം നിരത്തിലിറക്കി അശോക് ലെയ്ലാൻഡ്. ദീർഘദൂര ചരക്ക് ഗതാഗതത്തിന് അനുയോജ്യമായ ഇന്റർമീഡിയറ്റ് വാണിജ്യ വാഹന വിഭാഗത്തിൽ ഒന്നാമത് എത്തുക എന്ന ലക്ഷ്യവുമായാണ് ഹിന്ദുജ ഗ്രൂപ്പിന്റെ മുൻനിര കമ്പനിയായ അശോക് ലെയ്ലാൻഡ് ഇക്കോമെറ്റ് സ്റ്റാർ 1915 ട്രക്ക് നിരത്തിലിറക്കിയത്.
18.49 ടൺ ജിവിഡബ്ല്യു (ഗ്രോസ് വെഹിക്കിൾ വെയ്റ്റ്) ഉള്ള ഇക്കോമെറ്റ് സ്റ്റാർ 1915, ചരക്ക് ഗതാഗത സേവന മേഖലയിലെ ഇ-കൊമേഴ്സ്, പാഴ്സൽ ഡെലിവറി, പുതിയ ഉൽപ്പന്നങ്ങളുടെ ഗതാഗതം എന്നിവയ്ക്ക് അനുയോജ്യമായ രീതിയിലാണ് നിർമിച്ചിരിക്കുന്നത്. ഭാരം കയറ്റുന്നതില് നിലവിലുള്ള മോഡലുകളേക്കാൾ മികച്ചത് ( ഉയർന്ന പേലോഡ് കപ്പാസിറ്റി) എന്ന തരത്തിലാണ് പുതിയ ട്രക്കിന്റെ ലോഞ്ച്. ഇന്റർമീഡിയറ്റ് വാണിജ്യ വാഹന വിഭാഗത്തിൽ Intermediate Commercial Vehicle (ICV) segment മികച്ച വാഹനങ്ങൾ നിരത്തില് ഇറക്കുന്നതില് എന്നും മുന്നിലാണ് തങ്ങളെന്ന് അശോക് ലെയ്ലാൻഡ് മീഡിയം ഹെവി കൊമേഴ്സ്യൽ വെഹിക്കിൾ പ്രസിഡന്റ് സഞ്ജീവ് കുമാർ പറഞ്ഞു.