ന്യൂഡൽഹി :74-ാംസൈനിക ദിനത്തോടനുബന്ധിച്ച് ഡൽഹിയിലെ ദേശീയ യുദ്ധസ്മാരകത്തിൽ ആദരം അർപ്പിച്ച് സായുധസേനാ മേധാവികൾ. കരസേന മേധാവി ജനറൽ എംഎം നരവനെ, എയർഫോഴ്സ് ചീഫ് എയർ ചീഫ് മാർഷൽ വി.ആർ ചൗധരി, നേവി ചീഫ് അഡ്മിറൽ ആർ.ഹരികുമാർ എന്നിവർ യുദ്ധസ്മാരകത്തിൽ പുഷ്പാർച്ചന നടത്തുകയും പുഷ്പചക്രം സമർപ്പിക്കുകയും ചെയ്തു.
പ്രധാനമന്ത്രി നരേന്ദ്ര മോദിയും, രാഷ്ട്രപതി രാംനാഥ് കോവിന്ദും സൈനിക ദിനത്തോടനുബന്ധിച്ച് ആശംസകൾ നേർന്നു. രാജ്യത്തെ സമാധാന പരിപാലന ദൗത്യങ്ങളിൽ സൈന്യത്തിന്റെ മികച്ച സംഭാവനയിൽ ഇന്ത്യ അഭിമാനം കൊള്ളുന്നുവെന്ന് പ്രധാനമന്ത്രി ട്വിറ്ററിൽ കുറിച്ചു.യുദ്ധമേഖലകളിൽ സേവനമനുഷ്ഠിക്കുന്നവരും പ്രകൃതി ദുരന്തങ്ങൾ ഉൾപ്പടെയുള്ള മാനുഷിക പ്രതിസന്ധിയുടെ സമയത്ത് രാജ്യത്തെ പൗരന്മാരെ സഹായിക്കുന്നവരുമാണ് ഇന്ത്യൻ സൈനികരെന്നും അദ്ദേഹം കൂട്ടിച്ചേര്ത്തു.