ബടിന്‍ഡ : പഞ്ചാബിലെ ബടിന്‍ഡ സൈനിക ക്യാമ്പിന് സമീപം വീണ്ടും വെടിവയ്‌പ്പ്. ഇന്നലെ വൈകിട്ടുണ്ടായ വെടിവയ്‌പ്പില്‍ ഒരു സൈനികന്‍ കൊല്ലപ്പെട്ടു. ഗുര്‍തേജസ് ലഹുരാജ് ആണ് കൊല്ലപ്പെട്ടത്.
ബടിന്‍ഡ ക്യാമ്പിന് സമീപം വീണ്ടും വെടിവയ്‌പ്പ് ; സൈനികന്‍ കൊല്ലപ്പെട്ടു
ഗുര്‍തേജസ് ലഹുരാജ് എന്ന സൈനികനാണ് കൊല്ലപ്പെട്ടത്. ഇന്നലെ പുലര്‍ച്ചെയും ബടിന്‍ഡ ക്യാമ്പില്‍ വെടിവയ്‌പ്പ് നടന്നിരുന്നു. നാല് സൈനികര്‍ക്കാണ് ജീവന്‍ നഷ്‌ടപ്പെട്ടത്
ഭട്ടിന്‍ഡ സൈനിക ക്യാമ്പിന് സമീപം വീണ്ടും വെടിവയ്‌പ്പ്
സൈനിക യൂണിറ്റിന് സമീപം സുരക്ഷ ഡ്യൂട്ടിയില്‍ ആയിരുന്നു ഗുര്‍തേജസ് ലഹുരാജ്. വെടിയൊച്ച കേട്ട് മറ്റ് സൈനികര്‍ പരിശോധന നടത്തിയപ്പോഴാണ് വെടിയേറ്റ നിലയില്‍ ഗുര്‍തേജസിനെ കണ്ടെത്തിയത്. തലയ്‌ക്ക് വെടിയേറ്റ സൈനികനെ ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
സൈനിക ഉദ്യോഗസ്ഥർ സംഭവം പൊലീസിൽ അറിയിച്ചിട്ടുണ്ട്. കൊല്ലപ്പെട്ട സൈനികന്‍റെ ഭൗതിക ശരീരം സൈനിക ആശുപത്രിയില്‍ സൂക്ഷിച്ചിരിക്കുകയാണ്. കഴിഞ്ഞ ദിവസം ഇവിടെ ആഭ്യന്തര പ്രശ്‌നങ്ങളെ തുടര്‍ന്ന് നാല് സൈനികര്‍ കൊല്ലപ്പെട്ടിരുന്നു.
Last Updated : Apr 13, 2023, 10:46 AM IST