വയോധികനും കൊച്ചുമകനും നദിയിൽ മുങ്ങി മരിച്ചു

അനന്തപുര്‍ ജില്ലയിലെ ലക്ഷുംപള്ളിയിലാണ് ഗംഗണ്ണയും കൊച്ചുമകന്‍ ഗൗതമും മുങ്ങിമരിച്ചത്

അമരാവതി :ബാലനും വയോധികനും നദിയിൽ മുങ്ങി മരിച്ചു. ആന്ധ്രാപ്രദേശിലെ അനന്തപുര്‍ ജില്ലയിലെ ലക്ഷുംപള്ളിയിലാണ് ദാരുണമായ സംഭവം. നയനപള്ളി സ്വദേശിയായ ഗംഗണ്ണയും കൊച്ചുമകന്‍ ഗൗതമുമാണ് മരിച്ചത്.

ചെമ്മരിയാടുകളെ കുളിപ്പിക്കാന്‍ ചിത്രാവതി നദിയിൽ ഇറങ്ങിയപ്പോഴാണ് അപകടം സംഭവിച്ചത്. ബാലന്‍ നദിയിലെ മണലിൽ അകപ്പെട്ട സമയം വയോധികന്‍ രക്ഷിക്കാൻ ശ്രമിച്ചു. ഈ സമയം രണ്ടുപേരും ആഴ്‌ന്നുപോകുകയായിരുന്നു.

ഗ്രാമവാസികളെത്തിയാണ് ഇരുവരുടെയും മൃതദേഹങ്ങൾ നദിയിൽ നിന്ന് പുറത്തെടുത്തത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു.