ന്യൂഡൽഹി : സി.എം.ഡിയായി അൽക്ക മിത്തലിനെ നിയമിച്ച് പൊതുമേഖല സ്ഥാപനമായ ഒ.എൻ.ജി.സി (ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ). സ്ഥാപനത്തിന്‍റെ ചുമതല വഹിക്കുന്ന ആദ്യ വനിതയാണ് ഇവര്‍. ഔദ്യോഗിക ട്വിറ്റർ അക്കൗണ്ടിലൂടെയാണ് ഇക്കാര്യം അറിയിച്ചത്.
നേരത്തേ ഒ.എൻ.ജി.സിയുടെ എച്ച്‌.ആര്‍ ഡയറക്‌ടര്‍ പോസ്റ്റിലിരുന്ന ഇവര്‍ക്ക് അധിക ചുമതലയായാണ് നിയമനം. രാജ്യത്തെ ഏറ്റവും മൂല്യമേറിയ എണ്ണ പ്രകൃതി വാതക കോര്‍പ്പറേഷനാണ് ഒ.എൻ.ജി.സി. ചെയർമാനും മാനേജിങ് ഡയറക്‌ടറുമായ സുഭാഷ് കുമാർ ജോലിയിൽ നിന്ന് രാജിവച്ചിരുന്നു.