ലക്‌നൗ: ഉത്തര്‍പ്രദേശ് നിയമസഭ പ്രതിപക്ഷ നേതാവായി അഖിലേഷ് യാദവിനെ തെരഞ്ഞെടുത്തു. പാര്‍ടി ആസ്ഥാനത്ത് തെരഞ്ഞെടുക്കപ്പെട്ട പുതിയ നിയമസഭ അംഗങ്ങളുമായി നടത്തിയ യോഗത്തിലാണ് തീരുമാനം. സമാജ്‌വാദി പാര്‍ടി സംസ്ഥാന പ്രസിഡന്‍റ് നരേഷ് ഉദ്ധം പട്ടേലാണ് പ്രഖ്യാപനം നടത്തിയത്.
യോഗി ആദിത്യനാഥ് യുപി മുഖ്യമന്ത്രിയായി കഴിഞ്ഞ ദിവസമാണ് സത്യപ്രതിജ്ഞ ചെയ്‌ത് അധികാരമേറ്റത്. തെരഞ്ഞെടുപ്പില്‍ 255 സീറ്റുകളാണ് ബിജെപി നേടിയത്. 111 സീറ്റുകളാണ് പ്രതിപക്ഷമായ സമാജ്‌വാദി പാര്‍ടിക്ക് ലഭിച്ചത്.