വേർപാടിൽ മനംനൊന്ത് ആരാധകർ ; പുനീതിന്‍റെ വർക്ക്‌ഔട്ട് വീഡിയോകൾ സാമൂഹ്യമാധ്യമങ്ങളിൽ

ഹൃദയാഘാതമാണ് മരണകാരണം. ജിമ്മില്‍ വ്യായാമത്തിനിടെ ശാരീരികാസ്വസ്ഥതകള്‍ അനുഭവപ്പെട്ടതിനെ തുടർന്ന് ആശുപത്രിയില്‍ പ്രവേശിപ്പിക്കുകയായിരുന്നു

കന്നട നടൻ പുനീത് രാജ്‌കുമാറിന്‍റെ അപ്രതീക്ഷിത വേർപാട് ഇന്ത്യൻ സിനിമാലോകം ഞെട്ടലോടെയാണ് കേട്ടത്. കന്നടയിലെ ഏറ്റവും ജനപ്രിയനായ താരമാണ് വിടവാങ്ങിയത്. ഇതിനുപിന്നാലെ താരത്തിന്‍റെ പഴയ വർക്ക്‌ഔട്ട് വീഡിയോകള്‍ സാമൂഹ്യമാധ്യമങ്ങളിൽ വൈറലായിരിക്കുകയാണ്.

പ്രശസ്‌ത കന്നട നടന്‍ രാജ് കുമാറിന്‍റെ മകനാണ് പുനീത്. ഹൃദയാഘാതമാണ് മരണകാരണം. ജിമ്മില്‍ വ്യായാമത്തിനിടെ ശാരീരികാസ്വസ്ഥതകള്‍ അനുഭവപ്പെട്ടതിനെ തുടര്‍ന്ന് 11.40 ഓടെ വിക്രം ആശുപത്രിയില്‍ തീവ്രപരിചരണവിഭാഗത്തില്‍ പ്രവേശിപ്പിക്കുകയായിരുന്നു.

നടന്‍റെ നില ഗുരുതരമാണെന്നറിഞ്ഞ് നൂറുകണക്കിന് ആരാധകരാണ് ബെംഗളൂരുവിലെ വിക്രം ആശുപത്രിക്ക് മുന്നില്‍ തടിച്ചുകൂടിയത്. സാമൂഹിക പ്രവർത്തനങ്ങളിലും സജീവമായിരുന്ന താരത്തിന്‍റെ കണ്ണുകൾ ദാനം ചെയ്‌തു. അദ്ദേഹത്തിന്‍റെ പിതാവും മരണശേഷം കണ്ണുകള്‍ ദാനം ചെയ്‌തിരുന്നു.