ചെന്നൈ :പുതിയ പാര്‍ലമെന്‍റ്‌ മന്ദിരത്തിന് മുകളില്‍ സ്ഥാപിച്ച അശോക സ്‌തംഭം സംബന്ധിച്ച വിവാദത്തില്‍ പ്രതികരിച്ച് നടനും നിര്‍മാതാവുമായ പ്രകാശ് രാജ്.'നമ്മുടെ പോക്ക് എങ്ങോട്ടാണ്, #ജസ്റ്റ് ആസ്കിങ്' - ബിജെപിയുടെ തുറന്ന വിമര്‍ശകനായ പ്രകാശ് രാജ് ട്വീറ്റ് ചെയ്‌തു.
അശോക സ്‌തംഭത്തിലെ സിംഹങ്ങള്‍ക്ക് രൗദ്ര ഭാവം വരുത്തിയതില്‍ നിരവധി പ്രമുഖര്‍ പ്രതികരിച്ചിരുന്നു. ഇതിന് പിന്നാലെയാണ് നടന്‍ പ്രകാശ് രാജും രംഗത്തെത്തുന്നത്. ഭരണകക്ഷിയായ ബിജെപിയെ പരിഹസിച്ചുകൊണ്ടുള്ളതായിരുന്നു പ്രകാശ് രാജിന്‍റെ ട്വീറ്റ്.
Prakash Raj on Emblem row: ഹിന്ദു ദൈവങ്ങളുടെ ചിത്രങ്ങളും നടന്‍ ട്വീറ്റ് ചെയ്‌തിട്ടുണ്ട്. ഹിന്ദു ദൈവങ്ങളുടെ യഥാര്‍ഥ ചിത്രങ്ങള്‍ മുമ്പും ഇന്നും എന്ന തലക്കെട്ടോടുകൂടിയുള്ള പോസ്‌റ്റാണ് നടന്‍ പങ്കുവച്ചിരിക്കുന്നത്. രാമന്‍, ഹനുമാന്‍ എന്നീ ദൈവങ്ങളുടെ യഥാര്‍ഥ ചിത്രവും രൗദ്ര ഭാവത്തിലുള്ള ചിത്രവുമാണ് പോസ്‌റ്ററില്‍. ഒപ്പം അശോക സ്‌തംഭത്തിലെ സിംഹങ്ങളും പോസ്റ്റിലുണ്ട്.