ന്യൂഡൽഹി: വാക്‌സിനേഷന് അർഹരായവരിൽ 95 ശതമാനം പേരും ആദ്യഡോസ് സ്വീകരിച്ചുവെന്ന് കേന്ദ്ര ആരോഗ്യ മന്ത്രാലയം. രാജ്യം കൈവരിച്ച നേട്ടത്തിൽ കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ ആശംസകൾ അറിയിച്ചു. ട്വിറ്ററിലൂടെയായിരുന്നു അദ്ദേഹത്തിന്‍റെ പ്രതികരണം.
പ്രധാനമന്ത്രി നരേന്ദ്രമോദിയുടെ നേതൃത്വത്തിൽ, വാക്‌സിനേഷന് അർഹരായ ജനസംഖ്യയുടെ 95 ശതമാനം പേരും ആദ്യ ഡോസ് വാക്‌സിൻ സ്വീകരിച്ചെന്നും ഇത് ആരോഗ്യ പ്രവർത്തകരുടെ കഠിനാധ്വാനത്തിന്‍റെയും ജനങ്ങളുടെ പങ്കാളിത്തത്തിന്‍റെയും ഫലമാണെന്നും രാജ്യം വാക്‌സിൻ കാമ്പയിനിൽ വളരെയധികം മുന്നോട്ട് പോകുകയാണെന്നും അദ്ദേഹം ട്വിറ്ററിൽ കുറിച്ചു.