മുംബൈ: ടൗട്ടെ ചുഴലിക്കാറ്റിൽ തകർന്ന പി-305 ബാർജ്, ടഗ് ബോട്ട് വരപ്രദ എന്നിവയിൽ നിന്നും 86 മൃതദേഹങ്ങളും കണ്ടെടുത്തു. 70 മൃതദേഹങ്ങൾ തകർന്ന ബോട്ടുകളിൽ നിന്നും എട്ട് മൃതദേഹങ്ങൾ റായ്‌ഗഡ് ജില്ലയിലെ തീരപ്രദേശത്ത് നിന്നും എട്ട് മൃതദേഹങ്ങൾ ഗുജറാത്തിലെ വൽസാദ് തീരത്ത് നിന്നുമാണ് കണ്ടെടുത്തത്. ഇതുവരെ 188 പേരെ രക്ഷപെടുത്തി.
48 മൃതദേഹങ്ങൾ തിരിച്ചറിഞ്ഞു. ബാക്കിയുള്ള മൃതദേഹങ്ങൾ തിരിച്ചറിയുന്നതിനായി ഡിഎൻഎ പരിശോധനക്ക് വിധേയമാക്കി. തകർന്ന ബോട്ടുകളിൽ നാവികസേന മുങ്ങൽ വിദഗ്‌ധരുടെ സഹായത്തോടെ നടത്തിയ തിരച്ചിലിലാണ് മൃതദേഹങ്ങൾ കണ്ടെത്താനായത്.