ബെംഗളൂരു :കര്‍ണാടകത്തിലെ ഗദഗ് ജില്ലയില്‍ പതിനായിരത്തോളം പേരെ മതപരിവര്‍ത്തനം നടത്തിയെന്ന ആരോപണവുമായി ശ്രീരാം സേന തലവന്‍ പ്രമോദ് മുതലിക്ക്. ഗദഗില്‍ ഒരു സംഘടനായോഗത്തില്‍ സംസാരിക്കുകയായിരുന്നു അദ്ദേഹം. കൃസ്തുമതത്തിലേക്കാണ് മതപരിവര്‍ത്തനം നടന്നതെന്നും അദ്ദേഹം ആരോപിച്ചു.
മതപരിവര്‍ത്തനം നടക്കുന്നതായി ജില്ലയിലെ എംഎല്‍എമാര്‍ വരെ ശ്രദ്ധയില്‍പ്പെടുത്തിയിട്ടുണ്ട്. വലിയ തോതില്‍ മതപരിവര്‍ത്തനം നടക്കുമ്പോള്‍ ജനപ്രതിനിധികള്‍ എന്തുകൊണ്ട് ഇടപെടുന്നില്ലെന്നും അദ്ദേഹം ചോദിച്ചു. എല്ലാമതത്തിലേയും തലവന്മാര്‍ ഇക്കാര്യത്തില്‍ ജാഗ്രത പുലര്‍ത്തണമെന്നും അദ്ദേഹം ആവശ്യപ്പെട്ടു.