ದಾವಣಗೆರೆಯಲ್ಲಿ ಸಂಭ್ರಮದ ಹೊಸ ವರ್ಷಾಚರಣೆ: ಕುಣಿದು ಕುಪ್ಪಳಿಸಿದ ಯುವ ಜನತೆ - NEW YEAR CELEBRATIONS IN DAVANAGERE

ದಾವಣಗೆರೆ: ಬೆಣ್ಣೆ ನಗರಿಯಲ್ಲಿ ಸಂಭ್ರಮದಿಂದ ಹೊಸವರ್ಷವನ್ನು ಜನರು ಸ್ವಾಗತಿಸಿದರು. ಖಾಸಗಿ ಹೋಟೆಲ್​ಗಳಲ್ಲಿ ಆಯೋಜನೆ ಮಾಡಿದ್ದ ಈವೆಂಟ್​ಗಳಲ್ಲಿ ಯುವ ಜನತೆ ಭಾಗಿಯಾಗಿ ಹಾಡುಗಳಿಗೆ ಕುಣಿದು ಕುಪ್ಪಳಿಸಿದರು.

ಅಲ್ಲದೆ, ಯುವಕರಿಗಿಂತ ನಾವೇನು ಕಮ್ಮಿ ಇಲ್ಲ ಎಂಬಂತೆ ಯುವತಿಯರು ಶಂಕರ್​ ನಾಗ್​ ಚಿತ್ರದ 'ಸಂತೋಷಕ್ಕೆ.. ಹಾಡು ಸಂತೋಷಕ್ಕೆ' 'ಮಸ್ತ್​​ ಮಸ್ತ್​​ ಹುಡುಗಿ ಬಂದ್ಲು', 'ನಿಂಬೆ ಹಣ್ಣಿನಂತ ಹುಡ್ಗಿ ಬಂದ್ಲು ನೋಡು' ಹಾಡಿಗೆ ಭರ್ಜರಿ ಸ್ಟೆಪ್​ ಹಾಕಿದರು. ಬಳಿಕ ಮಧ್ಯರಾತ್ರಿ ಸರಿಯಾಗಿ 12 ಗಂಟೆಗೆ ಕೇಕ್ ಕತ್ತರಿಸುವ ಮೂಲಕ ಜನ ಹೊಸ ವರ್ಷವನ್ನು ಬರಮಾಡಿಕೊಂಡರು. 

12 ಗಂಟೆ ಆಗುತ್ತಿದ್ದಂತೆ ಆಕಾಶದಲ್ಲಿ ರಂಗು ರಂಗಿನ ಪಟಾಕಿ ಸಿಡಿಯಿತು. ನಂತರ ಹಿಂದಿ ಸಾಂಗ್​ಗಳಾದ ಗಂದಿ ಗಂದಿ ಬಾತ್, ಓ ರಾತ್ ಭರ್, ತೇರೆ ಧ್ಯಾನ್ ಕಿದರ್ ಹೈ ತೇರ ಹೀರೋ ಇದರ್ ಹೈ, ಸಾಂಗ್​ಗಳಿಗೆ ದಂಪತಿಗಳು ಸಖತ್​ ಹೆಜ್ಜೆ ಹಾಕಿದರು. ಇನ್ನಷ್ಟು ಜನ ಗೇಮ್​​ ಆಡುವ ಮೂಲಕ ವಿನೂತನವಾಗಿ ಹೊಸ ವರ್ಷವನ್ನು ಬರಮಾಡಿಕೊಂಡರು. ವಿಜೇತರಿಗೆ ಆಯೋಜಕರು ಪ್ರಶಸ್ತಿ ನೀಡಿದರು. 

ಒಟ್ಟಾರೆ ಬೆಣ್ಣೆ ನಗರಿ ಜನತೆ ಡಿಜೆ ಸದ್ದಿನಲ್ಲಿ ಮಿಂದೆದ್ದರು. ಈವೆಂಟ್​​ಗಳಲ್ಲಿ ಯುವತಿಯರಿಗೆ, ಮಹಿಳೆಯರಿಗೆ ಬೌನ್ಸರ್​ಗಳು ವಿಶೇಷ ಭದ್ರತೆ ಒದಗಿಸಿದ್ದರು.

ಇದನ್ನೂ ಓದಿ: ಹಂಪಿಯ ಮಾತಂಗ ಪರ್ವತದಿಂದ ವರ್ಷದ ಮೊದಲನೇ ದಿನದ ಸೂರ್ಯೋದಯ ಕಣ್ತುಂಬಿಕೊಂಡ ಪ್ರವಾಸಿಗರು