ದಾವಣಗೆರೆ: ಶಾಮನೂರು ಶಿವಶಂಕರಪ್ಪ ಅಂದರೆ ಕೊಡುಗೈ ದಾನಿ ಇದ್ದಂತೆ. ನಾನು ಜಿ.ಎಂ.ಸಿದ್ದೇಶ್ವರ ರೀತಿ ಅಲ್ಲ. ಆದರೆ ನನ್ನ ವಿರುದ್ಧ ಇಲ್ಲಸಲ್ಲದ ಹೇಳಿಕೆ ನೀಡುತ್ತಿದ್ದಾನೆ ಎಂದು ಕಾಂಗ್ರೆಸ್ ಹಿರಿಯ ಶಾಸಕ ಶಾಮನೂರು ಶಿವಶಂಕರಪ್ಪ ಆಕ್ರೋಶ ವ್ಯಕ್ತಪಡಿಸಿದರು.
ದಾವಣಗೆರೆಯ ತಮ್ಮ ನಿವಾಸದಲ್ಲಿ ಬುಧವಾರ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ದಾವಣಗೆರೆ ಕ್ಷೇತ್ರದಲ್ಲಿ ಶಾಮನೂರು ಗೆಲ್ಲುತ್ತಾರೆ ಎಂದು ಜೂಜಾಟ ಮಾಡಿ ದುಡ್ಡು ಕೊಡಬೇಡಿ ಎಂದು ಸಿದ್ದೇಶ್ವರ್ ಹೇಳಿದ್ದಾರೆ. ಸಿದ್ದೇಶ್ವರ್ನಂತಹ ಕಳ್ಳ ಬೇರಾರೂ ಇಲ್ಲ. ಅವನ ಬಳಿ ಇರುವುದು ಕಳ್ಳ ಹಣ. ಸಿದ್ದೇಶ್ವರ್ ಒಂದೇ ಖಾತೆಯಿಂದ ಗುಟ್ಕಾ ಮಾರಾಟ ಮಾಡುವುದಿಲ್ಲ, ಬದಲಿಗೆ ಹಲವಾರು ಖಾತೆಗಳ ಮೂಲಕ ಮಾರಾಟ ಮಾಡಿ ವಾಣಿಜ್ಯ ತೆರಿಗೆ ವಂಚಿಸುತ್ತಾನೆ ಎಂದು ವಾಗ್ದಾಳಿ ನಡೆಸಿದರು.