ನ್ಯೂಯಾರ್ಕ್ (ಯುಎಸ್‌ಎ): ವಿಶ್ವದ 3ನೇ ಶ್ರೇಯಾಂಕದ ಆಟಗಾರ ಕಾರ್ಲೋಸ್ ಅಲ್ಕರಾಜ್ ಯುಎಸ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಾಮೆಂಟ್ನ ಎರಡನೇ ಸುತ್ತಿನಲ್ಲಿ ಸೋಲನುಭವಿಸಿ ಹೊರಬಿದ್ದಿದ್ದಾರೆ. ಗುರುವಾರ ತಡರಾತ್ರಿ ನಡೆದ ಈ ಪಂದ್ಯದಲ್ಲಿ ಡಚ್ ಆಟಗಾರ ಬೊಟಿಕ್ ವ್ಯಾನ್ ಡಿ ಝಾಂಡ್ ಸ್ಕಲ್ಪ್ ಎದುರು ಸೋಲನುಭವಿಸಿದ್ದಾರೆ. 21ರ ಹರೆಯದ ಅಲ್ಕರಾಜ್‌ನ 6-1, 7-5, 6-4 ನೇರ ಸೆಟ್ಗಳಿಂದ ವಿಶ್ವದ 74ನೇ ಶ್ರೇಯಾಂಕಿತ ಡಚ್ ಆಟಗಾರನ ವಿರುದ್ಧ ಸೋಲನುಭವಿಸಿದ್ದಾರೆ.
ವಿಂಬಲ್ಡನ್ 2021ರ ನಂತರ ಪ್ರಮುಖ ಪಂದ್ಯಾವಳಿಯ ಎರಡನೇ ಸುತ್ತಿನಲ್ಲಿ ಅಲ್ಕರಾಜ್ ಸೋಲನ್ನು ಅನುಭವಿಸಿದರು. ವಿಂಬಲ್ಡನ್ 2021 ರಲ್ಲಿ, ಆಗಿನ ವಿಶ್ವದ 75ನೇ ಶ್ರೇಯಾಂಕದ ಅಲ್ಕರಾಜ್ ಎರಡನೇ ಶ್ರೇಯಾಂಕದ ಡೇನಿಯಲ್ ಮೆಡ್ವೆಡೆವ್ ವಿರುದ್ಧ ಸೋಲನ್ನು ಕಂಡಿದ್ದರು. ಇದಕ್ಕೂ ಮೊದಲು, ಡಚ್ ಆಟಗಾರ ಅಲ್ಕರಾಜ್ ವಿರುದ್ಧ ಎರಡು ಪಂದ್ಯಗಳನ್ನು ಆಡಿದ್ದರು ಮತ್ತು ಎರಡರಲ್ಲೂ ಸೋಲನ್ನು ಕಂಡಿದ್ದರು. ಎರಡೂ ಪಂದ್ಯಗಳಲ್ಲಿ ಒಂದೇ ಒಂದು ಸೆಟ್ ಅನ್ನು ಗೆಲ್ಲಲು ಈ ಆಟಗಾರನಿಗೆ ಸಾಧ್ಯವಾಗಿರಲಿಲ್ಲ, ಆದರೆ ಈ ಪಂದ್ಯದಲ್ಲಿ ಪ್ರಬಲ ಪೈಪೋಟಿ ನೀಡಿ ಗೆಲುವು ಸಾಧಿಸಿದ್ದಾರೆ.