ಭಾರತದಲ್ಲಿ ಮಧ್ಯವಯಸ್ಸಿನ 22 ಕೋಟಿ ಜನರನ್ನು ಕಾಡುತ್ತಿದೆ ದುರ್ಬಲತೆ; ಅಧ್ಯಯನ

ಆರೋಗ್ಯ ದುರ್ಬಲತೆ ಎಂಬುದು ಅವರಲ್ಲಿನ ನಿಶಕ್ತಿ, ಆಸ್ಪತ್ರೆಗೆ ದಾಖಲಾತಿ, ಗಾಯಗೊಳ್ಳುವಿಕೆ ಸೇರಿದಂತೆ ಹಲವು ಅಂಶಗಳನ್ನು ಹೊಂದಿದೆ.

ನವದೆಹಲಿ:ಜಾಗತಿಕ ಅಧ್ಯಯನದ ಪ್ರಕಾರ ಭಾರತದಲ್ಲಿ 45 - 59 ವಯೋಮಾನದ ಶೇ 16.2ರಷ್ಟು ಅಂದರೆ, 22 - ಕೋಟಿ ಮಧ್ಯವಯಸ್ಕರು ಆರೋಗ್ಯ ದುರ್ಬಲತೆ ಪರಿಣಾಮಕ್ಕೆ ಒಳಗಾಗಿದ್ದಾರೆ ಎಂದು ಅಧ್ಯಯನವೊಂದರಲ್ಲಿ ಕಂಡು ಬಂದಿದೆ. ದುರ್ಬಲತೆ ಎಂಬುದು ವ್ಯಕ್ತಿಯ ದೇಹದಲ್ಲಿನ ನಿಶಕ್ತಿಯನ್ನು ಸೂಚಿಸುತ್ತದೆ. ಅಂದರೆ ಅವರಲ್ಲಿನ ರೋಗ, ಗಾಯಗೊಳ್ಳುವಿಕೆಯನ್ನು ಒಳಗೊಂಡಿದೆ. ದೌರ್ಬಲ್ಯ ಎಂಬುದು ಸಾಮಾನ್ಯವಾಗಿ ವಯಸ್ಸಾದವರೊಂದಿಗೆ ಹೆಚ್ಚಿನ ಸಂಬಂಧ ಹೊಂದಿದ್ದರೂ ನಿರ್ದಿಷ್ಟ ವಯಸ್ಸಿನ ಗುಂಪಿನ ಜನರಿಗೆ ಸೀಮಿತವಾಗಿಲ್ಲ.

ಈ ಅಧ್ಯಯನವನ್ನು ಬಿಎಂಜೆ ಓಪನ್​ನಲ್ಲಿ ಪ್ರಕಟಿಸಲಾಗಿದೆ. ಅಧ್ಯಯನದಲ್ಲಿ ಮಧ್ಯವಯಸ್ಸಿನ ಮಂದಿಯಲ್ಲಿ ದೌರ್ಬಲ್ಯ ಹೆಚ್ಚುತ್ತಿರುವ ಕುರಿತು ತಿಳಿಸಲಾಗಿದೆ. ದೆಹಲಿ ಮತ್ತು ಆಸ್ಟ್ರೇಲಿಯಾದ ಜಾರ್ಜ್ ಇನ್ಸ್ಟಿಟ್ಯೂಟ್ ಫಾರ್ ಗ್ಲೋಬಲ್ ಹೆಲ್ತ್​ ಮತ್ತು ಇಂಗ್ಲೆಂಡ್​​ನ ತಂಡ ಈ ಅಧ್ಯಯನ ನಡೆಸಿದ್ದು, ಈ ವೇಳೆ 60 ವರ್ಷಕ್ಕಿಂತ ಮೇಲ್ಪಟ್ಟ ಸುಮಾರು 60 ಕೋಟಿ ಅಂದರೆ 43.2ರಷ್ಟು ಮಂದಿ ದುರ್ಬಲತೆ ಪ್ರಭಾವಕ್ಕೆ ಒಳಗಾಗಿದ್ದಾರೆ ಎಂದು ಅಧ್ಯಯನ ತೋರಿಸಿದೆ.

ನಿರ್ದಿಷ್ಟ ವಯಸ್ಸು ಮತ್ತು ಲಿಂಗಗಳ ಹೊರತಾಗಿ ಎಲ್ಲ ವಯಸ್ಕರಲ್ಲಿ ದುರ್ಬಲತೆ ಕಂಡಿದ್ದು, ಇದರೊಂದಿಗೆ ಆಸ್ಪತ್ರೆಗೆ ದಾಖಲಾಗುವುದು, ಬೀಳುವಿಕೆ ಮತ್ತು ಕಳಪೆ ಅರಿವಿನ ಸಮಸ್ಯೆ ಹೊಂದಿರುವುದು ಸಹ ಕಂಡು ಬಂದಿದೆ. ಫಲಿತಾಂಶವನ್ನು ಗಮನಿಸಿದಾಗ ಈ ದುರ್ಬಲತೆ ಪುರುಷರಿಗಿಂತ ಮಹಿಳೆಯರಲ್ಲಿ ಹೆಚ್ಚಿದೆ. ಅಚ್ಚರಿ ಅಂಶ ಎಂದರೆ ತಮ್ಮ ಅವಶ್ಯಕತೆಗೆ ದಿನಕ್ಕೆ ಹೆಚ್ಚು ಹಣ ವ್ಯಯ ಮಾಡುವವರಲ್ಲಿ ಇದು ಹೆಚ್ಚಾಗಿ ಕಂಡು ಬಂದಿದೆ.

ದುರ್ಬಲ ಜನರು ಸಾಮಾನ್ಯವಾಗಿ ಹೆಚ್ಚಿನ ಆರೋಗ್ಯ ವೆಚ್ಚಗಳನ್ನು ಹೊಂದಿರುತ್ತಾರೆ. ಇದರಿಂದ ಅವರು ದೈನಂದಿನ ಅಗತ್ಯಗಳಿಗಾಗಿ ಹೆಚ್ಚು ಖರ್ಚು ಮಾಡುತ್ತಾರೆ. ಆದಾಗ್ಯೂ, ಖರ್ಚಿನ ಬದಲಾಗಿ ಮನೆಯ ಆದಾಯವನ್ನು ನೋಡಿದಾಗ, ಈ ಬಗ್ಗೆ ಸ್ಪಷ್ಟ ಸಂಬಂಧ ಕಂಡು ಬಂದಿಲ್ಲ ಎಂದು ದಿ ಜಾರ್ಜ್​ ಇನ್ಸಿಟಿಟ್ಯೂಟ್​ನ ಕಾರ್ಯಕಾರಿ ನಿರ್ದೇಶಕ ವಿವೇಕಾನಂದ್​ ತಿಳಿಸಿದ್ದಾರೆ.

ಇದಕ್ಕಾಗಿ ಅಧ್ಯಯನಕಾರರು ಎಲ್​ಎಎಸ್​ಐನಿಂದ ದತ್ತಾಂಶವನ್ನು ವಿಶ್ಲೇಷಿಸಿದ್ದಾರೆ. 2017 ರಿಂದ 1029 ರವರೆಗೆ 65 ಸಾವಿರ ಮಂದಿ ದತ್ತಾಂಶವನ್ನು ಗಮನಿಸಿದ್ದು, ಇವರೆಲ್ಲ 45 ವರ್ಷ ಮೇಲ್ಪಟ್ಟವರಾಗಿದ್ದಾರೆ. ಸಿಕ್ಕಿಂ ಹೊರತಾಗಿ ಎಲ್ಲ ಕೇಂದ್ರಾಡಳಿತ ಪ್ರದೇಶ ಸೇರಿದಂತೆ ಭಾರತದ ಎಲ್ಲ ರಾಜ್ಯಗಳಲ್ಲಿ ಈ ಸಮೀಕ್ಷೆ ನಡೆಸಲಾಗಿದೆ.

ಭಾರತದಲ್ಲಿ ವಯಸ್ಸಾದವರ ಜನಸಂಖ್ಯೆ ಹೆಚ್ಚುತ್ತಿದೆ. ಆದರೆ, ಆರೋಗ್ಯ ವ್ಯವಸ್ಥೆ ಉತ್ತಮವಾಗಿ ಸಹಯೋಜನೆ ಇನ್ನೂ ಕಂಡಿಲ್ಲ. ದೇಶದಲ್ಲಿ ಜನರ ದುರ್ಬಲತೆ ತಿಳಿದುಕೊಳ್ಳುವ ಮೂಲಕ ಅಗತ್ಯ ಇರುವವರಿಗೆ ಸರಿಯಾದ ಆರೈಕೆ ಮತ್ತು ಬೆಂಬಲವನ್ನು ಒದಗಿಸಲು ಸಹಾಯ ಮಾಡಬೇಕಿದೆ ಎಂದು ಡಾ ಜಾ ತಿಳಿಸಿದ್ದಾರೆ.

ಮಹಿಳೆಯರಲ್ಲಿ ದುರ್ಬಲತೆ ಎಂಬುದು ಸಾಮಾನ್ಯವಾಗಿದ್ದು, ಅದನ್ನು ಪರಿಹರಿಸುವ ತಂತ್ರಗಳು ಲಿಂಗ ವ್ಯತ್ಯಾಸಗಳನ್ನು ಪರಿಗಣಿಸಬೇಕು. ಸಾಮಾಜಿಕ ಅಸಮಾತೋಲನ ಮತ್ತು ದುರ್ಬಲತೆ ಬಲವಾಗಿ ಸಂಬಂಧವನ್ನು ಹೊಂದಿದೆ, ಈ ನಿಟ್ಟಿನಲ್ಲಿ ಅಂಚಿನಲ್ಲಿರುವ ಸಮುದಾಯಗಳ ಮೇಲೆ ಹೆಚ್ಚಿನ ಗಮನಹರಿಸಬೇಕಿದೆ. ಪ್ರಾಥಮಿಕ ಕೇಂದ್ರದಲ್ಲಿ ಈ ದುರ್ಬಲತೆ ಅಪಾಯದ ಪತ್ತೆಗಳನ್ನು ಮಾಡಿ ನಿರ್ವಹಣೆ ಮಾಡಬೇಕಿದೆ ಎಂದು ಅಧ್ಯಯನ ತಿಳಿಸಿದೆ.

ಇದನ್ನೂ ಓದಿ: 2050ರ ಹೊತ್ತಿಗೆ ನೈಟ್ರೋಜನ್​ ಮಾಲಿನ್ಯದಿಂದ ಉಂಟಾಗಲಿದೆ ನೀರಿನ ಹಾಹಾಕಾರ; ಅಧ್ಯಯನ