'ಪುಷ್ಪ 2: ದಿ ರೂಲ್'. ಭಾರತೀಯ ಚಿತ್ರರಂಗದಲ್ಲಿ ಧೂಳೆಬ್ಬಿಸಿರುವ ಸಿನಿಮಾ. ಬಹು ಸಮಯದಿಂದ ಸಖತ್ ಸದ್ದು ಮಾಡುತ್ತಾ ಬಂದಿದ್ದ ಈ ಬಿಗ್ ಬಜೆಟ್ ಪ್ರಾಜೆಕ್ಟ್ ಕಳೆದ ದಿನ ಬಹಳ ಅದ್ಧೂರಿಯಾಗಿ ವಿಶ್ಬದಾದ್ಯಂತ ಚಿತ್ರಮಂದಿರಗಳನ್ನು ಪ್ರವೇಶಿಸಿದೆ. ದಿ ಮೋಸ್ಟ್ ಎಕ್ಸ್ಪೆಕ್ಟೆಡ್ ಸೀಕ್ವೆಲ್ಗೆ ಕೋಟ್ಯಂತರ ಅಭಿಮಾನಿಗಳಿಂದ ಗ್ರ್ಯಾಂಡ್ ವೆಲ್ಕಮ್ ಸಿಕ್ಕಿದೆ. ನಿರೀಕ್ಷಿಸಿದಂತೆ ಸುಕುಮಾರ್ ಆ್ಯಕ್ಷನ್ ಕಟ್ ಹೇಳಿದ್ದ ಈ ಚಿತ್ರ ಬಾಕ್ಸ್ ಆಫೀಸ್ನಲ್ಲೂ ಕಮಾಲ್ ಮಾಡಿದೆ.
ಮೈತ್ರಿ ಮೂವಿ ಮೇಕರ್ಸ್ ಮತ್ತು ಮುತ್ತಂಸೆಟ್ಟಿ ಮೀಡಿಯಾ ನಿರ್ಮಾಣದ ಸಿನಿಮಾಗೆ ಸುಕುಮಾರ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಪುಷ್ಪ ರಾಜ್ ಪಾತ್ರದಲ್ಲಿ ಅಲ್ಲು ಅರ್ಜುನ್, ಶ್ರೀವಲ್ಲಿ ಪಾತ್ರದಲ್ಲಿ ರಶ್ಮಿಕಾ ಮಂದಣ್ಣ ಮತ್ತು ಭನ್ವರ್ ಸಿಂಗ್ ಶೇಖಾವತ್ ಪಾತ್ರದಲ್ಲಿ ಫಹಾದ್ ಫಾಸಿಲ್ ಭನ್ವರ್ ಸಿಂಗ್ ಶೇಖಾವತ್ ಮುಂದುವರಿದಿದ್ದಾರೆ. ನಿರೀಕ್ಷಿಸಿದಂತೆ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ದೊಡ್ಡ ಮಟ್ಟದ ವ್ಯವಹಾರ ನಡೆಸಿದೆ.
ಆರ್ಆರ್ಆರ್ ದಾಖಲೆ ಬ್ರೇಕ್: 'ಪುಷ್ಪ 2: ದಿ ರೂಲ್' ತನ್ನ ಮೊದಲ ದಿನ ಅನೇಕ ದಾಖಲೆಗಳನ್ನು ಪುಡಿಗಟ್ಟಿದೆ. ಒಟ್ಟಾರೆ ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿದೆ. ಡಿಸೆಂಬರ್ 4ರ ಮಿಡ್ನೈಟ್ ಪ್ರಿವ್ಯೂವ್ನಿಂದ 10 ಕೋಟಿ ರೂಪಾಯಿಯಿಂದ ಪ್ರಾರಂಭವಾದ ಬಾಕ್ಸ್ ಆಫೀಸ್ ಅಂಕಿ - ಅಂಶ ಭಾರತದಲ್ಲಿ 175 ಕೋಟಿ ರೂಪಾಯಿಗಳನ್ನೂ ದಾಟಿದೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ಆರಂಭಿಕ ಅಂದಾಜಿನ ಪ್ರಕಾರ, ಪುಷ್ಪ 2 ಭಾರತದಲ್ಲಿ 175.1 ಕೋಟಿ ರೂಪಾಯಿ (ನೆಟ್ ಕಲೆಕ್ಷನ್) ಗಳಿಸಿದೆ. ಈ ಅಂಕಿ - ಅಂಶ 2022ರ ಬ್ಲಾಕ್ಬಸ್ಟರ್ 'ಆರ್ಆರ್ಆರ್' ದಾಖಲೆಯನ್ನು ಬ್ರೇಕ್ ಮಾಡಿದೆ.
ರಾಮ್ ಚರಣ್ ಮತ್ತು ಜೂನಿಯರ್ ಎನ್ಟಿಆರ್ ಮುಖ್ಯಭೂಮಿಕೆಯ ಆರ್ಆರ್ಆರ್ ಭಾರತದಲ್ಲಿ 156 ಕೋಟಿ (ಗ್ರಾಸ್ ಕಲೆಕ್ಷನ್) ರೂಪಾಯಿ ಸಂಗ್ರಹಿಸಿತ್ತು. ಹಿಂದಿನ ಈ ದಾಖಲೆ ಮೀರಿಸಿ, ಪುಷ್ಪ 2 ಭಾರತದಲ್ಲಿ ಈವರೆಗೆ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾವಾಗಿ ಹೊರಹೊಮ್ಮಿದೆ. ವಿಶ್ವಾದ್ಯಂತದ ಗಳಿಕೆಯನ್ನು ಇನ್ನೂ ಘೋಷಿಸಲಾಗಿಲ್ಲ. ಆದರೆ ಆರ್ಆರ್ಅರ್ನ ಜಾಗತಿಕ ಬಾಕ್ಸ್ ಆಫೀಸ್ ದಾಖಲೆಯನ್ನೂ ಕೂಡಾ ಪುಷ್ಪ 2 ಮೀರಿಸಲಿದೆ ಎಂಬ ನಿರೀಕ್ಷೆಯಿದೆ.
ದಾಖಲೆಗಳು ನಾಶ, ಪುಷ್ಪ 2ರ ಪ್ರಮುಖ ಸಾಧನೆಗಳು ಇಲ್ಲಿವೆ:
- ಭಾರತೀಯ ಚಲನಚಿತ್ರೋದ್ಯಮದಲ್ಲೇ ವಿಶ್ವದಾದ್ಯಂತ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಸಿನಿಮಾ (ಆರ್ಆರ್ಆರ್ನ ಜಾಗತಿಕ ಕಲೆಕ್ಷನ್ - 223 ಕೋಟಿ ರೂಪಾಯಿ).
- ಪ್ರೀಮಿಯರ್ ಸೇರಿ ಭಾರತದಲ್ಲಿ ಮೊದಲ ದಿನ 200 ಕೋಟಿ ರೂಪಾಯಿ ದಾಟಿದ ಚೊಚ್ಚಲ ಚಿತ್ರ.
- ಒಂದೇ ದಿನ ತೆಲುಗು ಮತ್ತು ಹಿಂದಿ ಎರಡರಲ್ಲೂ 50 ಕೋಟಿಗೂ ಅಧಿಕ ಹಣ ಗಳಿಸಿದ ಮೊದಲ ಸಿನಿಮಾ.
- ಬುಕ್‌ಮೈಶೋನಲ್ಲಿ ಒಂದೇ ಗಂಟೆಯಲ್ಲಿ ಅತಿ ಹೆಚ್ಚು ಟಿಕೆಟ್‌ಗಳು ಮಾರಾಟವಾದ ಸಿನಿಮಾ. ಕಲ್ಕಿ 2898 ಎಡಿ ಮೀರಿಸಿದ ಪುಷ್ಪ 2.
ಪುಷ್ಪ 2 ಬಾಕ್ಸ್ ಆಫೀಸ್ ಕಲೆಕ್ಷನ್ - ಮೊದಲ ದಿನದ ಒಂದು ನೋಟ: