ಹಾಡಿನ ಮೂಲಕ ಮೋಡಿ ಮಾಡುವ ಸುಮಲತಾ ಅಭಿಮಾನಿ..! ಹೇಗೆ ಅನ್ನೋರು ಇಲ್ಲಿ ಒಮ್ಮೆ ಕೇಳಿ - ಲೋಕಸಭಾ ಚುನಾವಣೆ

ಭಾರೀ ಕುತೂಹಲ ಮೂಡಿಸಿರುವ ಮಂಡ್ಯದ ಲೋಕಸಭಾ ಚುನಾವಣೆ ಕುರಿತು ಗೀತೆಯೊಂದನ್ನು ರಚಿಸಿರುವ ಮೂಲಕ ವಿಜಯಪುರದ ಕಲಾವಿದನೋರ್ವ ಸುಮಲತಾ ಅವರಿಗೆ ಬೆಂಬಲ‌ ನೀಡಿದ್ದಾರೆ. ಸುಮಲತಾ ಅವರಿಗಾಗಿ ಹಾಡು ರಚಿಸಿದ ಕಲಾವಿದ ಪ್ರಕಾಶ್​ ಹಾಡು ಹಾಡುವ ಮೂಲಕ ವಿನೂತನವಾಗಿ ಮತಯಾಚನೆ ಮಾಡಿದ್ದಾರೆ. ತಮ್ಮ ಹಾಡಿನಲ್ಲಿ ಸುಮಲತಾ ಹಾಗೂ ಚಾಲೆಂಜಿಂಗ್​ ಸ್ಟಾರ್ ದರ್ಶನ್​ ಮತ್ತು ರಾಕಿಂಗ್ ಸ್ಟಾರ್ ಯಶ್ ಅವರನ್ನು ಹಾಡಿ ಹೊಗಳಿದ್ದಾರೆ. ಅಲ್ಲದೆ ಸುಮಲತಾ ಅವರ 20ನೇ ನಂಬರ್​ಗೆ ಓಟು ಹಾಕಿ ಅವರನ್ನು ಗೆಲ್ಲಿಸುವಂತೆಯೂ ಮಂಡ್ಯ ಜನತೆಗೆ ಮನವಿ ಮಾಡಿದ್ದಾರೆ. 4 ನಿಮಿಷ 45 ಸೆಕೆಂಡ್​ ಇರುವ ಈ ಹಾಡನ್ನು ಪ್ರಕಾಶ್,​ ತಮ್ಮ ಫೇಸ್​ಬುಕ್ ಖಾತೆಯಲ್ಲಿ ಹರಿಬಿಟ್ಟಿದ್ದಾರೆ. ಮತದಾರರನನ್ನು ಮೋಡಿ ಮಾಡಿರುವ ಈ ಹಾಡಿಗೆ ಇದೀಗ ಸಾಕಷ್ಟು ಲೈಕ್ ಹಾಗೂ ಕಮೆಂಟ್​ಗಳು ಸಿಗುತ್ತಿವೆ. ನೀವು ಒಮ್ಮೆ ಕೇಳಿ...