ಇಟಲಿಯಿಂದ ಹುಬ್ಬಳ್ಳಿಗೆ, ಅಮೆರಿಕಾದಿಂದ ಕೊಪ್ಪಳಕ್ಕೆ ಬಂದು ಮತ ಚಲಾವಣೆ

ಹುಬ್ಬಳ್ಳಿಯ ಮಂಜುನಾಥ ನಗರದ ನಿವಾಸಿಯಾದ ಪದ್ಮನಾಭ ಗೋಪಾಲ ಆಚಾರ್ಯ ಕಂಚಿ ಎಂಬುವರು ಇಟಲಿ ದೇಶದ ಮಿಲಾನೋ ಎಂಬಲ್ಲಿ ಎಂಎಸ್ ವ್ಯಾಸಂಗ ಮಾಡುತ್ತಿದ್ದು, ಲೋಕಸಭಾ ಚುನಾವಣೆಯಲ್ಲಿ ತಮ್ಮ ಮತದಾನದ ಹಕ್ಕನ್ನು ಚಲಾಯಿಸಲು ಭಾರತಕ್ಕೆ ಆಗಮಿಸಿದ್ದಾರೆ. ಮಂಜುನಾಥನಗರದ ಮತಗಟ್ಟೆಯಲ್ಲಿ ಮತದಾನ ಮಾಡುವ ಮೂಲಕ ತಮ್ಮ ಮತದಾನದ ಹಕ್ಕನ್ನು ಚಲಾಯಿಸಿದರು. ಇತ್ತ ಕೊಪ್ಪಳ ಜಿಲ್ಲೆ ಕಾರಟಗಿ ತಾಲೂಕಿನ ಯರಡೋಣ ಗ್ರಾಮದ ಅಭಿಷೇಕ್ ಪಾಟೀಲ್ ಎಂಬುವವರು ಮತದಾನ ಮಾಡಲು ಅಮೆರಿಕಾದಿಂದ‌ ಬಂದು ಯರಡೋಣ ಮತಗಟ್ಟೆ ಸಂಖ್ಯೆ 138ರಲ್ಲಿ ತಮ್ಮ ಹಕ್ಕು ಚಲಾಯಿಸಿದ್ದಾರೆ.