ಮತಗಟ್ಟೆಗೆ ಭದ್ರತೆ ನೀಡುವ ಮಂಗಳೂರು ಖಾಕಿ ಪಡೆಗೆ ಅಗತ್ಯ ವಸ್ತುಗಳ ಕಿಟ್​​ ಗಿಫ್ಟ್​​​ - ಪೊಲೀಸ್ ಕಮೀಷನರ್

ಮಂಗಳೂರು: ಚುನಾವಣೆ ಕರ್ತವ್ಯಕ್ಕಾಗಿ ಪೊಲೀಸರು ಬೇರೆ ಬೇರೆ ಸ್ಥಳಗಳಿಗೆ ನಿಯೋಜಿಸಲ್ಪಡುತ್ತಾರೆ. ಚುನಾವಣೆಯ ಮೊದಲ ದಿನವೇ ಮತಗಟ್ಟೆಗೆ ತೆರಳಲಿರುವ ಪೊಲೀಸರಿಗೆ ಕೆಲವೊಂದು ಅಗತ್ಯ ವಸ್ತುಗಳು ಸಿಗುವುದಿಲ್ಲ. ಮತದಾನದ ದಿನ ಇಂತಹ ಸಂಕಷ್ಟಗಳನ್ನು ಅನುಭವಿಸುವ ಪೊಲೀಸರಿಗೆ ತೊಂದರೆಯಾಗಬಾರದು ಎಂಬ ಉದ್ದೇಶದಿಂದ ಮಂಗಳೂರು ನಗರ ಪೊಲೀಸ್​​ ಇಲಾಖೆ ಕಿಟ್ ಕೊಡುಗೆಯಾಗಿ ನೀಡ್ತಿದೆ. ಒಂದು ಬಾಕ್ಸ್​ನಲ್ಲಿ 2 ಪ್ಯಾಕೇಟ್ ಬಿಸ್ಕೆಟ್, 1 ಸೋಪ್, ಟೂತ್ ಬ್ರಷ್, ಟೂತ್ ಪೇಸ್ಟ್, ಒಡಮಸ್, ಶೇವಿಂಗ್ ಸೆಟ್, ಕ್ಯಾಂಡಲ್, ಬೆಂಕಿಪೊಟ್ಟಣ ಹಾಕಿ ನೀಡಲಾಗಿದೆ. ಮಂಗಳೂರು ಪೊಲೀಸ್ ಇಲಾಖೆಯಿಂದ ಚುನಾವಣಾ ಕರ್ತವ್ಯಕ್ಕೆ ತೆರಳುವ 1500 ಪೊಲೀಸರಿಗೆ ಕಿಟ್ ನೀಡಲಾಗುತ್ತೆ ಎಂದು ಮಂಗಳೂರು ನಗರ ಪೊಲೀಸ್ ಕಮಿಷನರ್ ಸಂದೀಪ್ ಪಾಟೀಲ್ ತಿಳಿಸಿದ್ದಾರೆ.