11 ತಿಂಗಳಿಂದ ಸಿಗದ ಸ್ಟೈಫಂಡ್ : ಮಂಗಳೂರಿನಲ್ಲಿ ಹೌಸ್ ಸರ್ಜನ್ ಗಳ ಪ್ರತಿಭಟನೆ

ಮಂಗಳೂರು: ವೆನ್ಲಾಕ್ ಮತ್ತು ಲೇಡಿಗೋಷನ್ ಆಸ್ಪತ್ರೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಹೌಸ್ ಸರ್ಜನ್​ಗಳು ಇಂದು ವೆನ್ಲಾಕ್ ಆಸ್ಪತ್ರೆ ಎದುರು ಪ್ರತಿಭಟನೆ ನಡೆಸಿದರು. ಹೌಸ್ ಸರ್ಜನ್​ಗಳಾಗಿ ಕಾರ್ಯ‌ನಿರ್ಹಿಸಿ ಹನ್ನೊಂದು ತಿಂಗಳಾದರೂ ಸರ್ಕಾರ ಸ್ಟೈ ಫಂಡ್ ನೀಡಿಲ್ಲ. ಸ್ಟೈ ಫಂಡ್ ನೀಡದೇ ಇರುವ ಬಗ್ಗೆ ಅಧಿಕಾರಿಗಳಿಗೆ, ಸರ್ಕಾರದ ಗಮನಕ್ಕೆ ತಂದರೂ ಪ್ರಯೋಜನವಾಗಿಲ್ಲ. ಕೂಡಲೇ ಸ್ಟೈಫಂಡ್ ಬಿಡುಗಡೆಗೊಳಿಸಬೇಕು. ಇಲ್ಲದಿದ್ದರೆ ಅನಿರ್ದಿಷ್ಟಾವಧಿ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಸಿದರು.