ಮೊರಾದಾಬಾದ್ ಬಳಿ ರೈತರಿಂದ ಹೈಡ್ರಾಮಾ: ಪೊಲೀಸ್ ವಾಹನಗಳ ಮೇಲೆ ದಾಳಿ
ಮೊರಾದಾಬಾದ್ (ಉತ್ತರ ಪ್ರದೇಶ ) : ರಾಂಪುರದಿಂದ ದೆಹಲಿ ಕಡೆಗೆ ಸಾಗುತ್ತಿದ್ದ ರೈತರು ದಲ್ಪತ್‌ಪುರದ ಟೋಲ್ ಪ್ಲಾಜಾದಲ್ಲಿ ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಾರೆ. ರೈತರು ಟ್ರ್ಯಾಕ್ಟರ್ ಓಡಿಸಿ ಪೊಲೀಸರು ಹಾಕಿದ್ದ ಬ್ಯಾರಿಕೇಡ್‌ಗಳನ್ನು ಮುರಿದಿದ್ದು, ಸ್ಥಳದಲ್ಲಿದ್ದ ಮೊರಾದಾಬಾದ್ ಎಸ್‌ಎಸ್‌ಪಿ ಪ್ರಭಾಕರ್ ಚೌಧರಿ ಕಾರಿನ ಮೇಲೆ ದಾಳಿ ನಡೆಸಿದ್ದಾರೆ. ಗಾಯಗೊಂಡ ಎಸ್‌ಎಸ್‌ಸಿ ಕಾರು ಬಿಟ್ಟು ತಪ್ಪಿಸಿಕೊಂಡು ಪ್ರಾಣ ಉಳಿಸಿಕೊಂಡಿದ್ದು, ರಾಂಪುರ ಎಸ್ಪಿ ಶಗುನ್ ಗೌತಮ್ ಕೂಡ ಕಾರಿನಿಂದ ಇಳಿದು ತಪ್ಪಿಸಿಕೊಂಡಿದ್ದಾರೆ. ಎಸ್‌ಎಸ್‌ಪಿ ಮೇಲಿನ ದಾಳಿಯ ಮಾಹಿತಿಯ ಮೇರೆಗೆ ಐಜಿ, ಜಿಲ್ಲಾಧಿಕಾರಿ ಸೇರಿದಂತೆ ಮೊರಾದಾಬಾದ್‌ನ ಎಲ್ಲಾ ಪೊಲೀಸ್ ಠಾಣೆಗಳ ಸಿಬ್ಬಂದಿಯನ್ನು ಸ್ಥಳಕ್ಕೆ ಕರೆಯಿಸಲಾಗಿದೆ. ಟೋಲ್ ಪ್ಲಾಜಾದ ಒಂದು ಕಡೆ ರೈತರು ಜಮಾಯಿಸಿದ್ದು, ಇನ್ನೊಂದಡೆ ಖಾಕಿ ಸರ್ಪಗಾವಲು ಹಾಕಲಾಗಿದೆ.