ಕಮಿಷನರ್ ಕಚೇರಿಯಲ್ಲಿ ಸಂಭ್ರಮದ ದಸರಾ ಆಚರಣೆ..!

ಬೆಂಗಳೂರು: ಕಮಿಷನರ್ ಕಚೇರಿಯಲ್ಲಿ ಸದ್ಯ ದಸರಾ ಸಂಭ್ರಮ ಮನೆ ಮಾಡಿದೆ. ನಗರ ಪೊಲೀಸ್ ಆಯುಕ್ತರಾದ ಭಾಸ್ಕರ್ ರಾವ್ ತಮ್ಮ ಸ್ವಂತ ಹಣದಿಂದ ನಿರ್ದೇಶಕ, ನಟ, ಚಿತ್ರ ಸಾಹಿತಿ ಅರುಣ್ ಸಾಗರ್ ಅವ​​​ರಿಂದ ಬೊಂಬೆಗಳನ್ನ ಖರೀದಿಸಿ ಕಮಿಷನರ್ ಕಚೇರಿಯಲ್ಲಿ ದಸರಾ ಪ್ರಯುಕ್ತ ಪ್ರದರ್ಶನಕ್ಕೆ ಇರಿಸಿದ್ದಾರೆ. ಹಬ್ಬ ಆಚರಿಸಲು ರಜೆ ಸಿಗಲಿಲ್ಲ ಎನ್ನುವ ಕೊರಗು ಕೊಂಚ ಮಟ್ಟಿಗೆ ಅಧಿಕಾರಿಗಳಿಗೆ ಕಡಿಮೆಯಾಗಲಿದೆ. ಇನ್ನು ಕಮಿಷನರ್ ಕಚೇರಿಯಲ್ಲಿ ಇದೆ ಮೊದಲ ಬಾರಿಗೆ ನಾಡಹಬ್ಬ ಆಚರಿಸಲಾಗುತ್ತಿದ್ದು, ಖಾಕಿ ಪಡೆಗೆ ಸಂತಸ ತಂದಿದೆ. ಇಷ್ಟು ದಿನ ತಮ್ಮ ಸಮಸ್ಯೆಗೆ ಕುರಿತು ದೂರು ನೀಡಲು ಬರುತ್ತಿದ್ದ ಸಾರ್ವಜನಿಕರು, ಈಗ ಪೊಲೀಸರ ದಸರಾ ಆಚರಣೆಯ ಸಂಭ್ರಮಕ್ಕೆ ಜೊತೆಯಾಗಿದ್ದಾರೆ. ಅಲ್ಲದೆ ಗೊಂಬೆಗಳ ಪ್ರದರ್ಶನಕ್ಕೆ ಮನಸೋತವರು ಸೆಲ್ಪಿ ಕ್ಲಿಕ್ಕಿಸಿಕೊಂಡು ಸಂತೋಷ ಪಡುತ್ತಿದ್ದಾರೆ.