ಉತ್ತರ ಕನ್ನಡದಲ್ಲಿ ಕೊರೊನಾ ಆತಂಕ: ಸರಳ ಮೆರವಣಿಗೆಯಲ್ಲಿ ಗಣೇಶನ ಮೂರ್ತಿ ನಿಮಜ್ಜನ

ಕಾರವಾರ: ಎರಡು ದಿನಗಳ ಗಣೇಶೋತ್ಸವಕ್ಕೆ ಇಂದು ತೆರೆ ಬಿದ್ದಿದ್ದು, ಉತ್ತರಕನ್ನಡ ಜಿಲ್ಲೆಯ ವಿವಿಧೆಡೆ ಸರಳವಾಗಿ ಗಣೇಶ ಮೂರ್ತಿಗಳ ನಿಮಜ್ಜನ ಮಾಡಲಾಯಿತು. ಜಿಲ್ಲೆಯ ಸಿದ್ದಾಪುರ ತಾಲೂಕಿನ ಗೊಣವತ್ತಿಯಲ್ಲಿ ಪ್ರತಿಷ್ಠಾಪಿಸಿದ್ದ ಗಣೇಶ ಮೂರ್ತಿಗೆ ಇಂದು ಕೊನೆಯ ಪೂಜೆ ಸಲ್ಲಿಸಿ ಸರಳವಾಗಿ ನಿಮಜ್ಜಿಸಲಾಯಿತು. ಇದಲ್ಲದೆ ಕುಮಟಾ ತಾಲೂಕಿನ‌ ಬರ್ಗಿ ಗ್ರಾಮದಲ್ಲಿ ಸರ್ಕಾರದ ಮಾರ್ಗಸೂಚಿಯಂತೆ ಪ್ರತಿಷ್ಠಾಪಿಸಲಾದ ಗಣೇಶ ಮೂರ್ತಿಗಳನ್ನು ಯಾವುದೇ ಅದ್ಧೂರಿ ಮೆರವಣಿಗೆ ಇಲ್ಲದೇ ಸರಳವಾಗಿ ನಿಮಜ್ಜನ ಮಾಡಲಾಯಿತು. ಜತೆಗೆ ಮನೆಗಳಲ್ಲಿ ಇರಿಸಲಾದ ಗಣಪತಿ ಮೂರ್ತಿಗಳನ್ನು ಆಯಾ ಮನೆಯವರು ಹಾಗೂ ಕೆಲವೇ ಸಂಬಂಧಿಕರು ಸೇರಿ ನಿಮಜ್ಜನ ಮಾಡಿದರು.