ರಮೇಶ್ ಅರವಿಂದ್ ಪುತ್ರಿ ಆರತಕ್ಷತೆಯಲ್ಲಿ ಸುದೀಪ್, ಯಶ್ ಮಸ್ತ್ ಡ್ಯಾನ್ಸ್!
ಕಳೆದ ರಾತ್ರಿ ನಡೆದ ಅಕ್ಷಯ್-ನಿಹಾರಿಕಾ ಆರತಕ್ಷತೆಯಲ್ಲಿ ಸ್ಯಾಂಡಲ್ವುಡ್ ಗಣ್ಯರು ಭಾಗಿಯಾಗಿದ್ದರು. ಈ ವೇಳೆ ಕಿಚ್ಚ ಸುದೀಪ್ ಹಾಗೂ ರಾಕಿಂಗ್ ಸ್ಟಾರ್ ಯಶ್ ಮಸ್ತ್ ಡ್ಯಾನ್ಸ್ ಮಾಡಿ, ಹೊಸ ಜೋಡಿಗೆ ಶುಭ ಹಾರೈಸಿದರು. ನಟ ರಮೇಶ್ ಅರವಿಂದ್ ಪುತ್ರಿ ನಿಹಾರಿಕಾ ಮದುವೆ ಕಳೆದ ಡಿಸೆಂಬರ್ 28ರಂದು ನೆರವೇರಿತ್ತು. ಕೊರೊನಾ ಹಿನ್ನೆಲೆ ಮದುವೆಗೆ ಕೇವಲ ಕುಟುಂಬ ವರ್ಗ ಮತ್ತು ರಮೇಶ್ ಆಪ್ತರು ಭಾಗಿಯಾಗಿದ್ದರು. ಹಾಗಾಗಿ, ನಿನ್ನೆ ಸ್ಯಾಂಡಲ್ವುಡ್ ಸ್ನೇಹಿತರಿಗಾಗಿ ಔತಣಕೂಟದ ಜೊತೆಗೆ ಆರತಕ್ಷತೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಔತಣಕೂಟಕ್ಕೆ ಸುಮಲತಾ ಅಂಬರೀಶ್, ಭುವನ್ ಪೊನ್ನಣ್ಣ, ಗುರುಕಿರಣ್‌, ಹರ್ಷಿಕಾ, ಶಿಲ್ಪಾ ಗಣೇಶ್, ರಾಧಿಕಾ ಪಂಡಿತ್ ಸೇರಿ ಮುಂತಾದ ಚಿತ್ರರಂಗದ ತಾರೆಯರು ಉಪಸ್ಥಿತರಿದ್ದರು.