ಅಪ್ಪ-ಮಗನ ತಲೆಯಲ್ಲಿ ಅರಳಿದ 'ವಿಶ್ವಕಪ್': ಟೀಂ ಇಂಡಿಯಾಗೆ ಹೀಗೊಂದು ವಿಶ್! - etv bharat kannada

ಚಾಮರಾಜನಗರ:ಏಕದಿನ ವಿಶ್ವಕಪ್​ ಫೈನಲ್​ ಆರಂಭವಾಗಿದೆ. ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಆಸ್ಟ್ರೇಲಿಯಾ ಮತ್ತು ಭಾರತ ನಡುವಿನ ಅಂತಿಮ ಕದನ ನಡೆಯುತ್ತಿದೆ. ಟೀಂ ಇಂಡಿಯಾ ಗೆಲುವಿಗೆ ದೇಶಾದ್ಯಂತ ಪೂಜೆ, ಹೋಮ, ಹವನಗಳು ನಡೆಯುತ್ತಿವೆ. ಕ್ರಿಕೆಟ್​ ಅಭಿಮಾನಿಗಳು ಭಾರತ ಗೆಲ್ಲಲಿ ಎಂದು ಶುಭ ಹಾರೈಸುತ್ತಿದ್ದಾರೆ.

ಅಂತೆಯೇ, ಚಾಮರಾಜನಗರದ ಗುರು ಹಾಗೂ ಅವರ ಪುತ್ರ ಪ್ರತ್ಯೇಕ್ಷ್ ಎಂಬವರು ತಾವೇ ವಿಶ್ವಕಪ್​ ಮಾದರಿಯ ಕಿರೀಟವನ್ನು ತಲೆ ಮೇಲೆ ಧರಿಸಿಕೊಂಡು, 'ಈ ಸಲ ಕಪ್​ ನಮ್ದೇ' ಅಂತ ಘೋಷಣೆ ಕೂಗುತ್ತಿದ್ದಾರೆ. "ಕೋಟ್ಯಂತರ ಭಾರತೀಯರು ಟೀಂ ಇಂಡಿಯಾ ಗೆಲುವಿಗಾಗಿ ಕಾಯುತ್ತಿದ್ದೇವೆ. ಮೂರನೇ ಬಾರಿಗೆ ಚಾಂಪಿಯನ್​ ಆಗಬೇಕು. ರೋಹಿತ್​ ಶರ್ಮಾ ತಂಡ ಕಪ್​ ಎತ್ತಿ ಹಿಡಿಯುವ ಕ್ಷಣಕ್ಕಾಗಿ ನಿರೀಕ್ಷಿಸುತ್ತಿದ್ದೇವೆ. ಇಡೀ ಪಂದ್ಯವನ್ನು ನಾನು ಈ ವಿಶ್ವಕಪ್​ ಮಾದರಿಯ ಕಿರೀಟವನ್ನು ಧರಿಸಿಕೊಂಡು ನೋಡುತ್ತೇನೆ. ನಮಗೆ ಕಪ್​ ಸಿಗಲಿ ಎಂದು ಪ್ರಾರ್ಥಿಸುತ್ತೇನೆ" ಎಂದು ಗುರು ಹೇಳಿದ್ದಾರೆ. ಜೊತೆಗೆ ಪುಟಾಣಿ ಪ್ರತ್ಯೇಕ್ಷ್​ ಕೂಡ ಭಾರತ ತಂಡದ ಗೆಲುವಿಗೆ ಶುಭ ಹಾರೈಸಿದ್ದಾನೆ.   

ಇದನ್ನೂ ಓದಿ:ಗೆದ್ದು ಬಾ ಭಾರತ: ದೇಶಾದ್ಯಂತ ದೇವಾಲಯಗಳಲ್ಲಿ ವಿಶೇಷ ಪೂಜೆ, ಪ್ರಾರ್ಥನೆ-ವಿಡಿಯೋ