ಮಹಿಳೆಯರ ನೂಕುನುಗ್ಗಲಿಗೆ ಬೇಸತ್ತು ಚಾಲಕನ ಬಾಗಿಲ​ ಮೂಲಕವೇ ಬಸ್‌ ಸೇರಿದ ಪುರುಷರು: ವಿಡಿಯೋ - ಬಸ್​ ಬಾಗಿಲಲ್ಲಿ ಮಹಿಳೆಯರ ನೂಕು ನುಗ್ಗಲು

ಹಾವೇರಿ: ಶಕ್ತಿ ಯೋಜನೆ ಜಾರಿಯಾದಾಗಿನಿಂದ ರಾಜ್ಯದಲ್ಲಿ ಮಹಿಳೆಯರ ಬಸ್​ ಸಂಚಾರ ಹೆಚ್ಚಳವಾಗಿದೆ. ಅಲ್ಲಲ್ಲಿ ಸಮಸ್ಯೆಗಳೂ ಉಂಟಾಗುತ್ತಿವೆ. ಹಾವೇರಿ ನಿಲ್ದಾಣದಲ್ಲಿ ಡ್ರೈವರ್​ ಸೀಟ್​ನ ಡೋರ್​ನ ಮೂಲಕವೇ ಪುರುಷರು ಬಸ್​ ಏರಿದ ಘಟನೆ ನಡೆಯಿತು. ಬಸ್ ಸಂಖ್ಯೆ ಕಡಿಮೆ ಇರುವ ಹಿನ್ನೆಲೆಯಲ್ಲಿ ಪ್ರಯಾಣಿಕರು ಪರದಾಡಿದ್ದಾರೆ. ಅದರಲ್ಲೂ ಪುರುಷ ಪ್ರಯಾಣಿಕರು ಬಸ್​ನಲ್ಲಿ ಆಸನಕ್ಕಾಗಿ ಪೈಪೋಟಿ ನಡೆಸಿದ್ದಾರೆ. ಹುಬ್ಬಳ್ಳಿಗೆ ಹೋಗುವ ಬಸ್ ಬಾಗಿಲಲ್ಲಿ ಹೆಚ್ಚು ಮಹಿಳೆಯರು ನಿಂತಿದ್ದರು. ಇದರಿಂದ ಪುರುಷರು ಡ್ರೈವರ್ ಸೀಟ್​ನಿಂದಲೇ ಬಸ್ ಹತ್ತಿದರು.

ಇದನ್ನೂ ಓದಿ:Shakti Scheme: ಮೊದಲ ವಾರ 3 ಕೋಟಿಗೂ ಹೆಚ್ಚು ಮಹಿಳೆಯರಿಂದ ಉಚಿತ ಪ್ರಯಾಣ: ಟಿಕೆಟ್​ ಮೌಲ್ಯವೆಷ್ಟು ಗೊತ್ತಾ?

ರಾಜ್ಯ ಕಾಂಗ್ರೆಸ್ ಸರ್ಕಾರದ ಗ್ಯಾರಂಟಿ ಯೋಜನೆಗಳಲ್ಲಿ ಒಂದಾಗಿರುವ ಶಕ್ತಿಗೆ ಎಲ್ಲಿಲ್ಲದ ಬೇಡಿಕೆ ಬಂದಿದೆ. ಉಚಿತ ಪ್ರಯಾಣಗ ಕಾರಣಕ್ಕೆ ಮಹಿಳೆಯರು ಉತ್ಸಾಹದಿಂದ ಬಸ್​ ಏರುತ್ತಿದ್ದಾರೆ. ಪುರುಷರು ಕುಳಿತು ಪ್ರಯಾಣಿಸಲು ಹರಸಾಹಸ ನಡೆಸುತ್ತಿದ್ದಾರೆ. ಕೆಲವೆಡೆ ಸಾರಿಗೆ ಸಿಬ್ಬಂದಿಗೂ ಸಂಕಷ್ಟ ತಂದೊಡ್ಡಿದೆ. ಎಲ್ಲ ಬಸ್​ಗಳು ರಶ್​..ರಶ್..​ ಎಂಬ ಸ್ಥಿತಿ ನಿರ್ಮಾಣವಾಗಿದೆ.

ಇದನ್ನೂ ಓದಿ:ಮಹಿಳಾ ಮಣಿಗಳಿಂದ ತುಂಬಿ ತುಳುಕುತ್ತಿದ್ದ ಬಸ್‌.. ವಾಹನ ಏರಲು ನಿರಾಕರಿಸಿ ಕಣ್ನೀರಿಟ್ಟ ಬಾಲಕ: ವಿಡಿಯೋ