ಬೇಸಿಗೆಯ ಬಿಸಿ, ಬರಿದಾಯ್ತು ಹೇಮಾವತಿಯ ಒಡಲು! ಹೆಚ್ಚಿದ ಆತಂಕ - ಒಡಲು

ಹಾಸನ: ಕಾವೇರಿ ಉಪನದಿಗಳಲ್ಲಿ ಒಂದಾದ ಹೇಮಾವತಿಯ ಒಡಲು ಬರಿದಾಗುತ್ತಾ ಹೋಗುತ್ತಿದೆ. ಪಶ್ಚಿಮಘಟ್ಟ ಶ್ರೇಣಿಯ ಜಾವಳಿಯಲ್ಲಿ ಹುಟ್ಟುವ ಈ ನದಿ ಹಾಸನ ಹಾಗೂ ಮಂಡ್ಯ ಜಿಲ್ಲೆಗಳಲ್ಲಿ ಹರಿದು ಕೆಆರ್​ಎಸ್​ ಹಿನ್ನೀರಿನ ಕಾವೇರಿ ನದಿ ಸೇರಿಕೊಳ್ಳುತ್ತೆ. ಸುಮಾರು 245 ಕಿ.ಮೀ. ಹರಿಯುವ ಹೇಮಾವತಿಗೆ ಗೊರೂರು ಗ್ರಾಮದಲ್ಲಿ ಅಣೆಕಟ್ಟೆಯೊಂದನ್ನು ಕಟ್ಟಲಾಗಿದೆ. ಆದ್ರೀಗ ಸುಡು ಬೇಸಿಗೆಯ ಕಾರಣ ನೀರಿನ ಪ್ರಮಾಣ ದಿನದಿಂದ ದಿನಕ್ಕೆ ಕುಸಿಯಲಾರಂಭಿಸಿದೆ. ಇದು ಜಿಲ್ಲೆಯ ಜನರ ಆತಂಕ ಹೆಚ್ಚಿಸಿದೆ.