ಕೇದಾರನಾಥನ ದರ್ಶನ... ಗುಹೆಯಲ್ಲಿ ಧ್ಯಾನ..ದಟ್ಟ ಮಂಜಿನ ನಡುವೆ ನಮೋ ವಿಹಾರ!

ಡೆಹ್ರಾಡೂನ್​: ಲೋಕಸಭಾ ಚುನಾವಣೆಯ ಕೊನೆ ಹಂತದ ವೋಟಿಂಗ್​ ನಾಳೆ ನಡೆಯಲಿದೆ. ರಾಜಕೀಯ ನಾಯಕರು ಸೋಲು-ಗೆಲುವಿನ ಲೆಕ್ಕಾಚಾರ ಹಾಕುತ್ತಿದ್ದಾರೆ. ಇದರ ಮಧ್ಯೆ ಪ್ರಧಾನಿ ಮೋದಿ ಇವೆಲ್ಲದರಿಂದ ದೂರ ಉಳಿದು ಕೇದಾರನಾಥನ ಸನ್ನಿಧಿಯಲ್ಲಿದ್ದಾರೆ. ಪ್ರಧಾನಿ ಮೋದಿ ಎರಡು ದಿನಗಳ ಕೇದಾರನಾಥನ ದರ್ಶನಕ್ಕೆ ತೆರಳಿದ್ದು, ಬದ್ರಿನಾಥ್​ ಹಾಗೂ ಕೇದಾರನಾಥನ ದೇವಾಲಯಗಳಿಗೆ ಭೇಟಿ ನೀಡಿದ್ದಾರೆ. ಇಲ್ಲಿನ ಗುಹೆವೊಂದರಲ್ಲಿ ಮೋದಿ ಧ್ಯಾನ ಸಹ ನಡೆಸಿದ್ದಾರೆ. ಉತ್ತರಖಾಂಡದ ಸಾಂಪ್ರದಾಯಿಕ ಉಡುಗೆ ಧರಿಸಿದ್ದ ಪ್ರಧಾನಿ ಮೋದಿ ಸುಮಾರು ಒಂದೂವರೆ ಗಂಟೆ ದೇಗುಲದ ಒಳಗೆ ಪ್ರಾರ್ಥಿಸಿದ್ದಾರೆ. ಹಾಗೇ ಪ್ರದಕ್ಷಿಣೆಯನ್ನೂ ಹಾಕಿ ನಮಸ್ಕಾರ ಸಲ್ಲಿಸಿದ್ದಾರೆ.