ನವದೆಹಲಿ:ಜಾಗತಿಕವಾಗಿ ಮಹಿಳೆಯರನ್ನು ಕಾಡುತ್ತಿರುವ ಸ್ತನ ಕ್ಯಾನ್ಸರ್ ತಡೆಗಟ್ಟಬಹುದಾದ ರೋಗವಾಗಿದೆ. ವಂಶವಾಹಿನಿ ಮೂಲಕ ಸ್ತನ ಕ್ಯಾನ್ಸರ್ ಕಾಣಿಸಿಕೊಂಡರೆ, ಕೆಲವೊಮ್ಮೆ ನಮ್ಮ ಜೀವನಶೈಲಿಯ ಆಯ್ಕೆ ಮೂಲಕವೂ ಬಂದರೆಗುತ್ತದೆ. ಈ ಹಿನ್ನೆಲೆ ಆರೋಗ್ಯಕರ ಆಹಾರದ ಆಯ್ಕೆ ನಡೆಸುವುದು, ದೈಹಿಕ ಚಟುವಟಿಕೆಯಲ್ಲಿ ಭಾಗಿಯಾಗುವುದು. ಹಾಗೇ ಸ್ತನ ಕ್ಯಾನ್ಸರ್ ಸ್ವಯಂ ಪರೀಕ್ಷೆಗೆ ಒಳಗಾಗುವುದು ಕೂಡ ಇದರ ಅಪಾಯವನ್ನು ತಪ್ಪಿಸುತ್ತದೆ ಎಂದು ಪೌಷ್ಟಿಕಾಂಶ ತಜ್ಞೆ ನೂಪುರ್ ಪಾಟೀಲ್ ತಿಳಿಸಿದ್ದಾರೆ.
ಸ್ತನ ಕ್ಯಾನ್ಸರ್ ಅಪಾಯ ತಪ್ಪಿಸುವ ಮಾರ್ಗ..ಉತ್ತಮ ಆರೋಗ್ಯಕ್ಕೆ ಪೋಷಕಾಂಶಯುಕ್ತ ಆಹಾರವೂ ಪ್ರಮುಖ ಅಡಿಗಲ್ಲು ಆಗಿದೆ. ಇದು ಸ್ತನ ಕ್ಯಾನ್ಸರ್ ಅಭಿವೃದ್ಧಿಯಾಗುವ ಅಪಾಯದ ಮೇಲೆ ಪರಿಣಾಮ ಬೀರುತ್ತದೆ ಎನ್ನುತ್ತಾರೆ ನ್ಯೂಟ್ರಿಷಿಯನಿಸ್ಟ್ ನೂಪುರ್ ಪಾಟೀಲ್
ಸಸ್ಯಾಧಾರಿತ ಆಹಾರ:ಹಣ್ಣು, ತರಕಾರಿ ಮತ್ತು ಬೇಳೆಗಳು ದೇಹಕ್ಕೆ ಬೇಕಾದ ಅಗತ್ಯ ಪೋಷಕಾಂಶಗಳನ್ನು ನೀಡಿ, ಕ್ಯಾನ್ಸರ್ ವಿರುದ್ಧ ದೇಹವನ್ನು ರಕ್ಷಿಸುವ ಆ್ಯಂಟಿ ಆಕ್ಸಿಡೆಂಟ್ ಅನ್ನು ನೀಡುತ್ತದೆ. ಈ ಆಹಾರಗಳಲ್ಲಿ ವಿಟಮಿನ್, ಮಿನರಲ್ಸ್ ಮತ್ತು ಪೆಥೊಕೆಮಿಕಲ್ಸ್ ಇದ್ದು, ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.
ಸಂಸ್ಕರಿತ ಆಹಾರ ಸೀಮಿತವಾಗಿರಲಿ: ಸಂಸ್ಕರಿತ ಆಹಾರದಲ್ಲಿ ಸಕ್ಕರೆ ಅಂಶ ಹೆಚ್ಚಿದ್ದು, ಅನಾರೋಗ್ಯಕರ ಕೊಬ್ಬು, ಕೃತಕ ಪೂರಕಗಳು ಇರುತ್ತವೆ. ಇದು ತೂಕ ಹೆಚ್ಚಳ ಮತ್ತು ಊರಿಯೂತಕ್ಕೆ ಕಾರಣವಾಗುತ್ತದೆ. ಇದು ಸ್ತನ ಕ್ಯಾನ್ಸರ್ನ ಅಪಾಯದ ಅಂಶವಾಗಿದೆ. ಈ ಹಿನ್ನೆಲೆ ಅಸಂಸ್ಕರಿತ ಆಹಾರಗಳನ್ನು ಆದಷ್ಟು ಆಯ್ಕೆ ಮಾಡಬೇಕು.
ಲೀನ್ ಪ್ರೊಟೀನ್ ಮೂಲ: ಮೀನು, ಪೌಲ್ಟ್ರಿ ಮತ್ತು ಬೀನ್ಸ್ ಮತ್ತು ಟೊಫುನಂತಹ ಸಸ್ಯಾಧಾರಿತ ಪರ್ಯಾಯ ಆಯ್ಕೆ ಮಾಡಿ. ಕೆಂಪು ಮಾಂಸವನ್ನು ಮತ್ತು ಸಂಸ್ಕರಿತ ಮಾಂಸವನ್ನು ಮಿತವಾಗಿ ಸೇವಿಸುವುದರಿಂದ ಇದರ ಅಪಾಯವನ್ನು ಕಡಿಮೆ ಮಾಡಬಹುದು.
ಆಲ್ಕೋಹಾಲ್ಗೆ ಇರಲಿ ಮಿತಿ: ಆಲ್ಕೋಹಾಲ್ ಕೂಡ ಸ್ತನ ಕ್ಯಾನ್ಸರ್ನ ಅಪಾಯದ ನಿರ್ಣಾಯಕ ಅಂಶವಾಗಿದೆ. ಆಲ್ಕೋಹಾಲ್ ಸೇವನೆಯೊಂದಿಗೆ ಸ್ತನ ಕ್ಯಾನ್ಸರ್ ಅಪಾಯದ ಕುರಿತು ಅನೇಕ ಅಧ್ಯಯನಗಳು ತಿಳಿಸಿವೆ. ಮಧ್ಯಮ ಮಟ್ಟದ ಮದ್ಯ ಸೇವನೆ ಕೂಡ ರೋಗದ ಉಲ್ಬಣಕ್ಕೆ ಕಾರಣವಾಗಿದೆ. ಆಲ್ಕೋಹಾಲ್ ಹಾರ್ಮೋನ್ ಮಟ್ಟದ ಮೇಲೆ ಪರಿಣಾಮವನ್ನು ಹೊಂದಿದ್ದು, ಇದು ಡಿಎನ್ಎಗೆ ಹಾನಿ ಮಾಡುವ ಸಾಧ್ಯತೆ ಇದೆ. ಈ ಹಿನ್ನೆಲೆ ಆಲ್ಕೋಹಾಲ್ ಸೇವನೆಯನ್ನು ತಪ್ಪಿಸುವುದು ಅಥವಾ ಕನಿಷ್ಠಗೊಳಿಸುವುದು ಅವಶ್ಯವಾಗಿದೆ.
ಆರೋಗ್ಯಕರ ತೂಕ ನಿರ್ವಹಣೆ: ಸ್ಥೂಲಕಾಯುವೂ ಸ್ತನ ಕ್ಯಾನ್ಸರ್ನ ಅಪಾಯವನ್ನು ಹೊಂದಿದೆ. ಆರೋಗ್ಯಕರ ತೂಕವನ್ನು ಸರಿಯಾದ ಪೋಷಕಾಂಶ ಸೇವನೆ ಮತ್ತು ನಿಯಮಿತ ವ್ಯಾಯಾಮದ ಮೂಲಕ ಕಾಪಾಡಿಕೊಳ್ಳಬಹುದಾಗಿದೆ.
ನಿಯಮಿತ ವ್ಯಾಯಾಮದ ಪಾತ್ರ: ಆರೋಗ್ಯಯುತ ತೂಕ ಕಾಪಾಡಿಕೊಳ್ಳಲು ನಿಯಮಿತ ದೈಹಿಕ ಚಟುವಟಿಕೆ ಸಹಾಯ ಮಾಡುತ್ತದೆ. ಜೊತೆಗೆ ಇದು ದೇಹದ ಹಾರ್ಮೋನ್ ಮಟ್ಟವನ್ನು ನಿಯಂತ್ರಿಸುತ್ತದೆ. ಅಧಿಕ ಮಟ್ಟದ ಈಸ್ಟ್ರೋಜನ್ಗಳು ಸ್ತನ ಕ್ಯಾನ್ಸರ್ ಅಭಿವೃದ್ಧಿಯೊಂದಿಗೆ ಸಂಬಂಧ ಹೊಂದಿದೆ. ಈ ಹಿನ್ನೆಲೆ ಸ್ತನ ಕ್ಯಾನ್ಸರ್ ಅಪಾಯ ತಪ್ಪಿಸಲು ವ್ಯಾಯಾಮ ರೂಢಿಸಿಕೊಳ್ಳುವುದು ಉತ್ತಮ. ಜೊತೆಗೆ ವ್ಯಾಯಾಮ ಒತ್ತಡವನ್ನು ನಿವಾರಿಸಿ, ನಕಾರಾತ್ಮಕತೆಯನ್ನು ತಪ್ಪಿಸಿ, ಆರೋಗ್ಯದಿಂದ ಇರಲು ಸಹಾಯ ಮಾಡುತ್ತದೆ.
ಸ್ವಯಂ ಪರೀಕ್ಷೆ:ಸ್ತನದ ಸ್ವಯಂ ಪರೀಕ್ಷೆ ಅಗತ್ಯವನ್ನು ತಿಳಿಸಿರುವ ಪಾಟೀಲ್. ಇದು ಅಗತ್ಯ ಎಂದಿದ್ದಾರೆ. ಈ ರೀತಿ ಸ್ವಯಂ ಪರೀಕ್ಷೆ ಮಾಡುವುದರಿಂದ ನಿಮ್ಮ ಸ್ತನ ಸಾಮಾನ್ಯವಾಗಿ ಹೇಗೆ ಕಾಣುತ್ತದೆ ಮತ್ತು ಅನುಭವ ಆಗುತ್ತದೆ ಎಂದು ತಿಳಿಯುತ್ತದೆ. ಈ ವೇಳೆ ಆರಂಭದಲ್ಲೇ ನಿಮ್ಮ ಸ್ತನದಲ್ಲಿನ ಸಮಸ್ಯೆ ಅರಿತರೆ ಇದರಿಂದ ಯಶಸ್ವಿ ಚಿಕಿತ್ಸೆಗೆ ಸಹಾಯ ಆಗುತ್ತದೆ.
ಆರೋಗ್ಯಯುತ ಆಹಾರದ ಆಯ್ಕೆ ಮತ್ತು ನಿಯಮಿತ ವ್ಯಾಯಾಮಗಳು ಸ್ತನ ಕ್ಯಾನ್ಸರ್ ತಡೆಗಟ್ಟುತ್ತದೆ. ಇದರ ಜೊತೆಗೆ ಸ್ತನದ ಸ್ವಯಂ ಪರೀಕ್ಷೆಯು ರಕ್ಷಣಾತ್ಮಕ ಮಾಪನವಾಗಿದೆ. ನಿಮ್ಮ ಜೀವನಶೈಲಿಯಲ್ಲಿ ಆಗುವ ಪ್ರತಿಯೊಂದು ಚಿಕ್ಕ ಬದಲಾವಣೆಗಳು ಕೂಡ ಸ್ತನ ಕ್ಯಾನ್ಸರ್ ಅಪಾಯ ಮತ್ತು ಒಟ್ಟಾರೆ ಯೋಗಕ್ಷೇಮದ ಮೇಲೆ ಪರಿಣಾಮ ಬೀರುತ್ತದೆ ಎಂಬುದನ್ನು ಮರೆಯಬಾರದು. (ಐಎಎನ್ಎಸ್)
ಇದನ್ನೂ ಓದಿ: ಭಾರತದಲ್ಲಿ ಪ್ರತಿ ನಾಲ್ಕು ನಿಮಿಷಕ್ಕೆ ಒಬ್ಬ ಮಹಿಳೆಯಲ್ಲಿ ಸ್ತನ ಕ್ಯಾನ್ಸರ್ ಮಾರಿ; ಅಧ್ಯಯನ
