ವ್ಯಕ್ತಿತ್ವದ ಗುಣಲಕ್ಷಣಗಳು ವೃದ್ಧಾಪ್ಯದಲ್ಲಿ ನೆನಪಿನ ಶಕ್ತಿ ಕುಂಠಿತವನ್ನು ಹೆಚ್ಚಿಸಬಹುದೇ?

ನೀವು ಮೂಡಿ ಅಥವಾ ಭಾವನಾತ್ಮಕವಾಗಿ ಅಸ್ಥಿರರಾಗಿದ್ದರೆ, ಸಂಘಟಿತರಾಗಿರುವ ಮತ್ತು ಉತ್ತಮ ಸ್ವಯಂ-ಶಿಸ್ತು ಹೊಂದಿರುವ ಜನರಿಗಿಂತ ತಡವಾಗಿ ಮರೆವಿನ ಕಾಯಿಲೆ ಅನುಭವಿಸುವ ಸಾಧ್ಯತೆಯಿದೆ ಎಂಬುದನ್ನು ಅಧ್ಯಯನವೊಂದು ಕಂಡುಹಿಡಿದಿದೆ..

ನಮ್ಮ ವ್ಯಕ್ತಿತ್ವದ ಗುಣಲಕ್ಷಣಗಳು ವೃದ್ಧಾಪ್ಯದಲ್ಲಿ ನೆನಪಿನ ಶಕ್ತಿ ಕುಂಠಿತಗೊಳ್ಳಲು ಯಾವ ರೀತಿ ಕಾರಣವಾಗುತ್ತದೆ ಎಂಬುದರ ಕುರಿತಾದ ಸಂಶೋಧನೆಯೊಂದು ಜರ್ನಲ್ ಆಫ್ ಪರ್ಸನಾಲಿಟಿ ಅಂಡ್ ಸೋಶಿಯಲ್ ಸೈಕಾಲಜಿಯಲ್ಲಿ ಪ್ರಕಟಗೊಂಡಿದೆ. ವೃದ್ಧಾಪ್ಯದಲ್ಲಿ ನೆನಪಿನ ಶಕ್ತಿ ಕುಂಠಿತಕ್ಕೆ ಕಾರಣವಾಗುವ ಐದು ಗುಣಲಕ್ಷಣಗಳಲ್ಲಿ ಸಂಶೋಧನೆ ಮೂರು ಗುಣಲಕ್ಷಣಗಳ ಮೇಲೆ ಹೆಚ್ಚು ಕೇಂದ್ರೀಕರಿಸಿದೆ. ಆತ್ಮಸಾಕ್ಷಿ, ನರರೋಗ ಮತ್ತು ಬಹಿರ್ಮುಖತೆ ಪ್ರಮುಖ ಪಾತ್ರ ವಹಿಸುತ್ತವೆ.

ವ್ಯಕ್ತಿತ್ವದ ಲಕ್ಷಣಗಳು ನಮ್ಮ ಚಿಂತನೆ ಮತ್ತು ನಡವಳಿಕೆಯ ಶೈಲಿ ಮೇಲೆ, ಆರೋಗ್ಯಕರ ಮತ್ತು ಅನಾರೋಗ್ಯಕರ ನಡವಳಿಕೆಗಳು ಮತ್ತು ಆಲೋಚನಾ ಶೈಲಿಯ ಮೇಲೆಯೂ ಜೀವನದುದ್ದಕ್ಕೂ ಪರಿಣಾಮ ಬೀರಬಹುದು" ಎಂಬುದಾಗಿ ವಿಕ್ಟೋರಿಯಾ ವಿಶ್ವವಿದ್ಯಾಲಯದ ಪ್ರಮುಖ ಲೇಖಕ ಟೊಮಿಕೊ ಯೋನೆಡಾ ಹೇಳಿದ್ದಾರೆ.

ಜೀವಮಾನದ ಅನುಭವಗಳ ಸಂಗ್ರಹ ಸೌಮ್ಯವಾದ ನೆನಪಿನ ಶಕ್ತಿ ಕುಂಠಿತ, ಅಸ್ವಸ್ಥತೆಗೊಳಗಾಗುವಂತಹ ನಿರ್ದಿಷ್ಟ ರೋಗಗಳಿಗೆ ಕಾರಣವಾಗಬಹುದು ಅಥವಾ ವಯಸ್ಸಿಗೆ ಸಂಬಂಧಿಸಿದ ನರಕ್ಕೆ ಸಂಬಂಧಿಸಿದ ಬದಲಾವಣೆಗಳನ್ನು ತಡೆದುಕೊಳ್ಳುವಂತಹ ಸಾಮರ್ಥ್ಯ ಕಡಿಮೆಯಾಗುವಲ್ಲೂ ಪರಿಣಾಮ ಬೀರಬಹುದು ಎಂದು ಯೋನೆಡಾ ವಿವರಿಸಿದ್ದಾರೆ.

ಆತ್ಮಸಾಕ್ಷಿಯಲ್ಲಿ ಹೆಚ್ಚಿನ ಅಂಕಗಳನ್ನು ಗಳಿಸುವ ವ್ಯಕ್ತಿಗಳು ಜವಾಬ್ದಾರಿಯುತ, ಸಂಘಟಿತ, ಕಠಿಣ ಪರಿಶ್ರಮ ಮತ್ತು ಗುರಿ-ನಿರ್ದೇಶನವನ್ನು ಹೊಂದಿರುತ್ತಾರೆ. ನರರೋಗದ ಮೇಲೆ ಹೆಚ್ಚಿನ ಅಂಕಗಳನ್ನು ಗಳಿಸಿದವರು ಕಡಿಮೆ ಭಾವನಾತ್ಮಕ ಸ್ಥಿರತೆ ಹೊಂದಿರುತ್ತಾರೆ ಮತ್ತು ಮನಸ್ಥಿತಿ ಬದಲಾವಣೆಗಳು, ಆತಂಕ, ಖಿನ್ನತೆ, ಸ್ವಯಂ-ಅನುಮಾನ ಮತ್ತು ಇತರ ನಕಾರಾತ್ಮಕ ಭಾವನೆಗಳ ಕಡೆಗೆ ಒಲವು ಹೊಂದಿರುತ್ತಾರೆ.

ಬಹಿರ್ಮುಖಿಗಳು ಇತರರ ಸುತ್ತ ಇರುವುದರಿಂದ ಮತ್ತು ಜನರು ಮತ್ತು ಹೊರಗಿನ ಪ್ರಪಂಚಕ್ಕೆ ತಮ್ಮ ಶಕ್ತಿಯನ್ನು ಬಿತ್ತರಿಸುತ್ತಿರುತ್ತಾರೆ. ಯೋನೆಡಾ ಅವರ ಪ್ರಕಾರ ಅವರು ಉತ್ಸಾಹಭರಿತ, ಗುಂಪುಗಾರಿಕೆ, ಮಾತನಾಡುವ ಮತ್ತು ದೃಢವಾದ ಪ್ರವೃತ್ತಿಯನ್ನು ಹೊಂದಿರುತ್ತಾರೆ. ಸಂಶೋಧನೆಗಾಗಿ, ತಂಡವು1997ರಿಂದ ಇಂದಿನವರೆಗೆ ಬುದ್ಧಿಮಾಂದ್ಯತೆಯನ್ನು ಔಪಚಾರಿಕ ರೋಗನಿರ್ಣಯ ಮಾಡದೆ 1,954 ಜನರ ಡೇಟಾವನ್ನು ವಿಶ್ಲೇಷಿಸಿದೆ.

ಭಾಗವಹಿಸಿದವರಲ್ಲಿ ಆತ್ಮಸಾಕ್ಷಿಯ ಮೇಲೆ ಹೆಚ್ಚಿನ ಅಂಕಗಳನ್ನು ಗಳಿಸಿದ ಅಥವಾ ನರರೋಗದಲ್ಲಿ ಕಡಿಮೆ ಅಂಕಗಳನ್ನು ಗಳಿಸಿದವರು ಅಧ್ಯಯನದ ಅವಧಿಯಲ್ಲಿ ಸಾಮಾನ್ಯ ಅರಿವಿನಿಂದ ಸೌಮ್ಯವಾದ ಅರಿವಿನ ದುರ್ಬಲತೆಗೆ ಪ್ರಗತಿ ಸಾಧಿಸುವ ಸಾಧ್ಯತೆ ಕಡಿಮೆಯಾಗಿರುವುದು ತಿಳಿದು ಬಂದಿದೆ.

0 ಯಿಂದ 48ರವರೆಗಿನ ಆತ್ಮಸಾಕ್ಷಿಯ ಪ್ರಮಾಣದಲ್ಲಿ ಸರಿಸುಮಾರು ಆರು ಅಂಕಗಳನ್ನು ಗಳಿಸುವುದು ಸಾಮಾನ್ಯ ಅರಿವಿನ ಕಾರ್ಯದಿಂದ ಸೌಮ್ಯವಾದ ಅರಿವಿನ ದುರ್ಬಲತೆಗೆ ಪರಿವರ್ತನೆಯಾಗುವ ಅಪಾಯ ಶೇ.22 ಕಡಿಮೆಯಾಗಿರುತ್ತದೆ. 0 ಯಿಂದ 48ರ ನ್ಯೂರೋಟಿಸಿಸಮ್ ಸ್ಕೇಲ್‌ನಲ್ಲಿ ಸರಿ ಸುಮಾರು ಏಳು ಅಂಕಗಳನ್ನು ಗಳಿಸುವುದು ಪರಿವರ್ತನೆಯ ಅಪಾಯ ಶೇ.12ರಷ್ಟು ಹೆಚ್ಚು ಸೂಚಿಸುತ್ತದೆ ಎಂದು ಯೋನೆಡಾ ಮಾಹಿತಿ ನೀಡಿದ್ದಾರೆ.

ಇದರ ಜೊತೆಗೆ, ನ್ಯೂರೋಟಿಸಿಸಂನಲ್ಲಿ ಕೆಳಮಟ್ಟದಲ್ಲಿ ಮತ್ತು ಬಹಿರ್ಮುಖತೆಯಲ್ಲಿ ಮೇಲ್ಮಟ್ಟದಲ್ಲಿರುವ ವ್ಯಕ್ತಿಗಳು ಸೌಮ್ಯ ನೆನಪಿನ ಶಕ್ತಿ ಕುಂಠಿತದ ನಂತರವೂ ಸಾಮಾನ್ಯ ಅರಿವಿನ ಕಾರ್ಯಕ್ಕೆ ಚೇತರಿಸಿಕೊಳ್ಳುವ ಸಾಧ್ಯತೆಯಿದೆ. ಒಬ್ಬ ವ್ಯಕ್ತಿಯು ಬುದ್ಧಿಮಾಂದ್ಯತೆ ಲಕ್ಷಣಗಳು ಹೆಚ್ಚಾಗಲು ಪ್ರಾರಂಭಿಸಿದ ನಂತರವೂ ಈ ಗುಣಲಕ್ಷಣಗಳು ರಕ್ಷಣಾತ್ಮಕವಾಗಿರಬಹುದು ಎಂಬುದನ್ನು ಸಂಶೋಧನೆ ಹೇಳುತ್ತದೆ.

ಇದನ್ನೂ ಓದಿ:ಪತಿ ಮೃತಪಟ್ಟ 11 ತಿಂಗಳ ನಂತರ ಮಗು ಪಡೆದ ಮಹಿಳೆ.. ಅದ್ಹೇಗಿ ಅಂದ್ರೇ ಹೀಗೆ..

ಯೋನೆಡಾ ಪ್ರಕಾರ, ಬಹಿರ್ಮುಖತೆಯ ಸಂದರ್ಭದಲ್ಲಿ ಸಾಮಾಜಿಕ ಸಂವಹನ ನೆನಪಿನ ಶಕ್ತಿಯ ಫಲಿತಾಂಶಗಳ ಮೇಲೆ ಪರಿಣಾಮ ಬೀರುತ್ತವೆ. ಆದರೆ, ತಂಡವು ಯಾವುದೇ ವ್ಯಕ್ತಿತ್ವದ ಲಕ್ಷಣಗಳು ಮತ್ತು ಆತನ ಒಟ್ಟು ಜೀವಿತಾವಧಿಯ ನಡುವೆ ಯಾವುದೇ ಸಂಬಂಧವನ್ನು ಕಂಡುಕೊಂಡಿಲ್ಲ.