ತ್ವಚೆ ಸೌಂದರ್ಯಕ್ಕೆ ಸಹಾಯ ಮಾಡುತ್ತದೆ ಬೇಬಿ ಆಯಿಲ್​; ಹೇಗೆ?

ವಯಸ್ಕರ ಚರ್ಮದ ಹೊಳಪಿಗೆ ಈ ಬೇಬಿ ಆಯಿಲ್​ ಸಹಾಯ ಮಾಡುತ್ತದೆ. ಮಗುವಿನ ಆರೈಕೆಗೆ ಇರುವ ಈ ಬೇಬಿ ಆಯಿಲ್​ಗಳು ದೊಡ್ಡವರ ತ್ವಚೆ ಸಮಸ್ಯೆ ಪರಿಹಾರನ್ನು ನೀಡುತ್ತವೆ.

ಮಗುವಿನ ಬೆಳವಣಿಗೆಯಲ್ಲಿ ಎಣ್ಣೆ ಮಸಾಜ್​ ಅತ್ಯಗತ್ಯವಾಗಿದೆ. ಇದರಿಂದ ಮಗುವಿನ ಸ್ನಾಯು ಮತ್ತು ಮೂಳೆಗಳ ಅಭಿವೃದ್ಧಿ ಜೊತೆಗೆ ರಕ್ತ ಸಂಚಾರಕ್ಕೆ ಇದು ಸಹಾಯ ಮಾಡುತ್ತದೆ. ಈ ಬೇಬಿ ಆಯಿಲ್​ಗಳು ಮಗುವಿನ ಚರ್ಮದ ಆರೈಕೆಗೆ ಅವಶ್ಯಕವಾದ ಮೃದು ಮತ್ತು ಸೌಮ್ಯವಾಗಿಸುತ್ತದೆ. ಇದರಲ್ಲಿ ಹಾನಿಕಾರಕವಲ್ಲದ ಅಂಶಗಳಿದ್ದು, ಇವು ತ್ವಚೆಗೆ ಅಗತ್ಯವಾದ ಪೌಷ್ಟಿಕಾಂಶಗಳನ್ನು ಹೊಂದಿರುತ್ತದೆ. ಇದೇ ಕಾರಣಕ್ಕೆ ಈ ಬೇಬಿ ಆಯಿಲ್​ ಅನ್ನು ದೊಡ್ಡವರ ಬಳಕೆಗೂ ಅನೇಕ ಬಾರಿ ಸಲಹೆ ನೀಡಲಾಗುವುದು.

ವಯಸ್ಕರ ಚರ್ಮದ ಹೊಳಪಿಗೆ ಈ ಬೇಬಿ ಆಯಿಲ್​ ಸಹಾಯ ಮಾಡುತ್ತದೆ. ಮಗುವಿನ ಆರೈಕೆಗೆ ಇರುವ ಈ ಬೇಬಿ ಆಯಿಲ್​ಗಳು ದೊಡ್ಡವರ ತ್ವಚೆ ಸಮಸ್ಯೆ ಪರಿಹಾರವನ್ನು ಹೊಂದಿದೆ. ಈ ಕುರಿತ ಕೆಲವು ಸರಳ ಸಲಹಾ ಮಾಹಿತಿ ಇಲ್ಲಿದೆ.

ಮಗುವಿನ ಚರ್ಮ ಒಣ ಮತ್ತು ಕಾಂತಿ ಕಳೆದುಕೊಂಡಾಗ ಬೇಬಿ ಆಯಿಲ್​ನಿಂದ ಪ್ರತಿನಿತ್ಯ ಅರ್ಧಗಂಟೆ ಮಸಾಜ್​ ಮಾಡಿ. ಈ ವಿಟಮಿನ್​ ಎಣ್ಣೆ ಚರ್ಮವನ್ನು ಪುನರುಜ್ಜೀವನಗೊಳಿಸುತ್ತದೆ. ಹಾಗೇ ತ್ವಚೆ ತಾಜಾತನದಿಂದ ಕಾಣುವಂತೆ ಮಾಡುತ್ತದೆ. ಆದಾಗ್ಯೂ ಎಣ್ಣೆಯನ್ನು ಹಾಕಿದ ಅರ್ಧಗಂಟೆ ಬಳಿಕ ತಕ್ಷಣಕ್ಕೆ ಸ್ನಾನ ಮಾಡಿಸುವುದು ಅಗತ್ಯವಾಗಿದೆ.

ಕಾಲ್ಬೆರಳುಗಳ ರಕ್ಷಣೆಗೆ ಹೀಗೆ ಮಾಡಿ:ಅನೇಕ ಮಂದಿಯ ಕಾಲ್ಬೆರಳುಗಳಲ್ಲಿ ಒಡಗಿನ ಸಮಸ್ಯೆ ಕಾಡುವುದು ಸಹಜ. ಇಂತಹ ಪರಿಸ್ಥಿತಿಯಲ್ಲಿ ನಿತ್ಯ ರಾತ್ರಿ ಕಾಲಿನ ಬೆರಳಿಗೆ ಬೇಬಿ ಎಣ್ಣೆಯನ್ನು ಹಾಕಿ ಚೆನ್ನಾಗಿ ಮಸಾಜ್​ ಮಾಡಿ. 20 ನಿಮಿಷ ಇದನ್ನು ಮಾಡುವುದರಿಂದ ಸಮಸ್ಯೆ ಕಡಿಮೆಯಾಗುತ್ತದೆ.

ಉರಿಯೂತ ನಿವಾರಣೆಗೆ ಸಹಾಯಕ:ವಾಕ್ಸಿಂಗ್​ ಬಳಿಕ ಆಗುವ ಊರಿಯುತ ನಿವಾರಣೆಯಲ್ಲೂ ಬೇಬಿ ಆಯಿಲ್​ ಸಹಾಯ ಮಾಡುತ್ತದೆ. ನಿಮ್ಮ ತ್ವಚೆಯನ್ನು ಇದು ಸೌಮ್ಯ ಜೊತೆಗೆ ತಾಜಾತನಗೊಳಿಸುತ್ತದೆ. ಇದನ್ನು ಮೇಕಪ್​ ತೆಗೆಯಲು ಕೂಡ ರಾಸಾಯನಿಕಗಳ ಬದಲಾಗಿ ಬಳಕೆ ಮಾಡಬಹುದು.

ಕಪ್ಪು ವರ್ತುಲಗಳು ನಿಮ್ಮ ಕಣ್ಣಿನ ಅಂದವನ್ನು ಹಾಳು ಮಾಡುತ್ತಿದ್ದರೆ, ಎರಡು ಡ್ರಾಪ್​ ಬೇಬಿ ಆಯಿಲ್​ ಅನ್ನು ಆ ಪ್ರದೇಶದಲ್ಲಿ ಹಾಕಿ ವೃತ್ತಾಕಾರ ಮತ್ತು ವಿರುದ್ಧ ವೃತ್ತಾಕಾರದಲ್ಲಿ ಕೆಲ ಕಾಲ ಮಸಾಜ್​ ಮಾಡಿ. ಹವಾಮಾನ ಬದಲಾವಣೆಯಿಂದ ನಿರ್ಜಲೀಕರಣ ಮತ್ತು ತುಟಿ ಒಡೆಯುವುದು ಸಾಮಾನ್ಯ. ಇಂತಹ ಪರಿಸ್ಥಿತಿಯಲ್ಲಿ ಎರಡು ಹನಿ ಬೇಬಿ ಆಯುಲ್​ಗೆ ಒಂದು ಚಿಟಿಕಿ ಸಕ್ಕರೆ ಹಾಕಿ ಚೆನ್ನಾಗಿ ಪೇಸ್ಟ್ ಮಾಡಿ ಹಚ್ಚಿ. ಅರ್ಧಗಂಟೆ ಬಳಿಕ ಇದನ್ನು ನೀರಿನಿಂದ ತೊಳಿಯುವುದರಂದ ತ್ವಚೆ ಮೃದುಗೊಳ್ಳುತ್ತದೆ.

(ಸೂಚನೆ: ಸಾಮಾನ್ಯ ತಿಳಿವಳಿಕೆ ಆಧರಿಸಿದ್ದು, ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನ ಸಂಪರ್ಕಿಸಿ)

ಇದನ್ನೂ ಓದಿ:ಮನೆಯಲ್ಲೇ ಸಿಗುವ ಈ ನೈಸರ್ಗಿಕ ವಸ್ತುಗಳಿಂದ ಕೂದಲಿಗೆ ಮಾಡಿ ನಿಮಿಷ್ಟದ ಕಲರ್​!